Jóhann Þorvarðarson:
Afleiðingin er að æðsti aðall landsins ferðast um á háhest á lúnum öxlum láglaunafólks. Skattastefna Sjálfstæðisflokksins er enn eina ferðina gjaldþrota.
Fjármálaráðherra og seðlabankastjóri bera verðskuldað titilinn „óstöðugleika kóngar“ og forsætisráðherra ber nafnbótina „óstöðugleika drottning“ alveg skuldlaust.
Frá því að forsætisráðherra skipaði núverandi seðlabankastjóra í ágúst 2019 þá hefur honum tekist að raka saman 23 prósent verðbólgu. Að jafnaði þá er þetta 6 prósent árleg bólga þegar markmiðið er 2,5 prósent verðbólga. Samhliða þessu þá hefur fjármálaráðherra gengið um ríkissjóð á drullugum skónum og unnið skemmdarverk á skattkerfinu. Afleiðingin er að æðsti aðall landsins ferðast um á háhest á lúnum öxlum láglaunafólks. Skattastefna Sjálfstæðisflokksins er enn eina ferðina gjaldþrota.
Hagspennan er taumlaus.
Ég spáði í febrúar að seðlabankinn myndi hækka vexti um allt að 1 prósentustig en hann staðnæmdist við helminginn af því. Nú kemur á daginn að það var of lítið miðað við stefnu bankans. Spái ég því að stýrivextir hækki um 1 til 1,5 prósentustig í mars eða fljótlega þar á eftir. Þar ræður gífurlegur skriðþungi verðbólgunnar. Því má segja að stýrivextir stefni eins og óð flug í átt að 10 prósent vöxtum.
Hagspennan er taumlaus. Með þennan veruleika í fanginu þá ypptir óstöðugleika drottningin bara öxlum og segir stöðuna góða. Það eru ekki fréttir að hún er ófær um að viðurkenna mistök og því smílar hún bara framan í heiminn eins og hver önnur pollýanna. Það er kominn tími á nýtt fólk til að stýra þjóðarskútunni áður en hagkerfið fer á hliðina með tilheyrandi miklu atvinnuleysi.