- Advertisement -

Rasisti, lygarar og þjófur stjórna landinu

Jóhann Þorvarðarson skrifar:

Fyrir vikið situr landið uppi með ráðamenn sem ekki kæmust til valda annars staðar á Norðurlöndum vegna sæmilegra krafna til siðferðis og kurteisi. Ísland er spillt og Vinstri græn viðhalda spillingunni.

Það er staðfest að landinu er stjórnað af fólki sem uppfyllir ekki almennar kröfur um kurteisi, siðferði og vernd almannahagsmuna. Formaður Framsóknar opinberaði eigin rasisma á dögunum og reyndi síðan að ljúga sig út úr málinu í gegnum aðstoðarkonu sína. Fjármálaráðherra landsins er annálaður ósannindamaður eins og fjölmargar greinar mínar bera vitnisburð um. Honum munar ekki um að koma í ræðustól Alþingis eða fram í auglýsingum þar sem réttu máli er hallað. Sá hefur heldur ekki almannahagsmuni að leiðarljósi þegar opinberar eigur eru seldar á undirverði.

Seðlabankanum er stjórnað af lubbamenni, sem hefur verið staðinn að ritþjófnaði og lygum tengdum stuldinum. Sá þorði ekki að bíða úrskurðar siðanefndar Háskóla Íslands vegna kæru þekkts rithöfundar. Greip þess í stað til bolabragða og sýndi óheilindi í verki. Hann var einnig staðinn að ólöglegu markaðssamráði á árinu 2020.

Ekki er hægt að skella ábyrgðinni eingöngu á kjósendur því Vinstri græn eru úlfur í sauðargæru. Standa ekki undir því sem predikað er heldur toga og teygja afstöðu sína til að hanga á ráðherrastólum. Fyrir vikið situr landið uppi með ráðamenn sem ekki kæmust til valda annars staðar á Norðurlöndum vegna sæmilegra krafna til siðferðis og kurteisi. Ísland er spillt og Vinstri græn viðhalda spillingunni.

Þú gætir haft áhuga á þessum

Tengdar fréttir sem þú gætir haft áhuga á að lesa: