- Advertisement -

Ribbaldinn fjármálaráðherrann

Jóhann Þorvarðarson skrifar:

Þegar aftur á móti kemur að kjarabaráttu sem getur komið við seðlaveski bófanna þá er frelsinu stungið undir stól.  

Sá hægri sinnaði framsóknarmaður hefur hótað slíku áður, en mun reyna að toga málið fram yfir kosningar.

Fjármálaráðherra landsins, sem breytt hefur Sjálfstæðisflokknum í klofinn bófaflokk, sagði ekkert þegar hann fékk 75 þúsund króna mánaðarlega launahækkun um daginn. Hann er aftur á móti ávallt illur þegar kemur að kjarabaráttu annarra. Skiptir þá ekki máli við hverja er átt. Fá bara á sig lög og síðan hungurlús í kjarabætur. Hver man ekki eftir því þegar heilbrigðisstarfsfólk  fékk hálft par af inniskóm í óvænta kjarabót á síðasta ári fyrir óeigingjarnt starf á kóvít-19 tímum. Fólk sem lagði eigið líf í hættu. Og hver man ekki eftir þegar formaður bófaflokksins fékk sjálfur 40 prósent launahækkun rétt fyrir síðustu kosningar og  ákvörðun Kjararáðs var bara stungið undir stólinn. Landsmenn fengu ekki að tjá sig um efnið. Það var ribbaldaleg framkoma, sem minnir á þá sem geta ekki hugsað sér heiðarlegar og upplýstar kosningar.

Formaður bófaflokksins er örugglega byrjaður með undirróður innan eigin ríkisstjórnarinnar, í samstarfi við heimsendaspámanninn Halldór Benjamín, um að hinn eftirgefanlegi samgönguráðherra Framsóknar. Sigurður Ingi, setji lög á boðað verkfall flugumferðarstjóra. Sá hægri sinnaði framsóknarmaður hefur hótað slíku áður, en mun reyna að toga málið fram yfir kosningar.

Þú gætir haft áhuga á þessum

Núna mun fara eitthvað lítið fyrir hinu óskilgreinda frelsi bófaflokksins sem ku vera jafn sveigjanlegt og grímulaus Barbapabbi á kenderíi í Ásmundarsal. Frelsið er togað og tvistað eftir hagsmunum hrægammanna í bófaflokknum. Þegar hegðun einnar manneskju getur valdið veikindum hjá annarri þá er óskilgreindu frelsi hampað. Att framan í þá sem eru ábyrgir í hegðun. Þegar aftur á móti kemur að kjarabaráttu sem getur komið við seðlaveski bófanna þá er frelsinu stungið undir stól.  


Auglýsing

Tengdar fréttir sem þú gætir haft áhuga á að lesa: