- Advertisement -

Ritstjóri Moggans vansæll, aftur

Jóhann Þorvarðarson skrifar:

Ritstjórinn ætti að velta því fyrir sér af hverju Sjálfstæðisflokkurinn mælist núna tvær kannanir í röð með einungis 22 prósent fylgi. Ætli það sé ekki Sósíalistaflokknum að kenna?

Telja verður að Davíð Oddsson skrifi leiðara dagsins í Morgunblaði dagsins. Orðfærið ber það mér sér og áráttan sem þar birtist. Maðurinn sem telur flesta aðra en sjálfan sig vera óhæfumenn. Hann stundar iðulega þá iðju, þegar málefnarök þrýtur, að afvegaleiða umræðuna með því að ala á ótta eða gera lítið úr öðrum. Boðar gjarnan heimsendi ef Sjálfstæðisflokkurinn færi ekki að ráða hér öllu. Núna fer það í taugarnar á Davíð að Sósíalistaflokknum gangi vel í kosningabaráttunni. Því er reynt að gera tjáningu Gunnars Smára tortryggilega. Hún á víst að valda heimsendi svo áhrifamikill ku Gunnar Smári vera.

Davíð ætti að líta sér nær því flest sem hann sjálfur kemur nálægt hrynur. Nægir þar að nefna einkavinavæðingu bankanna sem olli fjármálahruni, gjaldþrot Seðlabankans á hans eigin vakt og stanslaus taprekstur Útgáfufélags Moggans. Svo skíttapaði hann í forsetakosningum um árið. Nei Davíð sér ekki bjálkann í eigin auga.

Davíð mætti líta út fyrir landsteinana, en vinstriflokkarnir í Noregi unnu stórsigur í gær og það stefnir í sömu þróun í Þýskalandi. Og meira að segja í Bandaríkjunum er félagshyggjan að sigra græðgina. Heimurinn er einfaldlega að hafna stjórnmálastefnu sem Mogginn og Sjálfstæðisflokkurinn aðhyllist. Ritstjórinn ætti að velta því fyrir sér af hverju Sjálfstæðisflokkurinn mælist núna tvær kannanir í röð með einungis 22 prósent fylgi. Ætli það sé ekki Sósíalistaflokknum að kenna?

Þú gætir haft áhuga á þessum

Tengdar fréttir sem þú gætir haft áhuga á að lesa: