Jóhann Þorvarðarson:
Nú hafa þrjár systur og frænkur ráðherrans hafið útsendingar á hlaðvarpsþáttum þar sem saga Ásmundar Einars og nánustu fjölskyldu er rekin í smáum atriðum. Ég hvet kjósendur í Reykjavík að leggja við hlustir. Frásögurnar eru magnaðar.
Ég skrifaði nokkrar greinar um Ásmund Einar Daðason ráðherra, eiginkonu og föður nokkru fyrir síðustu Alþingiskosningar. Þar rakti ég sögu ofbeldis og sögu spillingar, sem náði inn í hjarta Dalasýslu, Borgarfjarðar, Arion banka og Kaupfélag Skagfirðinga.
Fjölskyldan stundað kennitöluflakk. Ásakanir komu fram um að laun hafi verið undir lágmarkstöxtum og að ekki hafi verið gerð skil á greiðslum til stéttarfélags fyrr en mál komust í hámæli. Ýmsir framlagðir ársreikningar voru skáldskapur. Ekki annað en blekking fyrir lesanda reikninganna eins og til dæmis starfsmenn lánastofnana og skattyfirvalda.
Fjölskyldan rak Þverholtabúið ehf (risavaxið mjólkur- og kúabú) á Mýrum í Borgarnesi, sem fór á húrrandi hausinn. Hundruð milljóna fóru í vaskinn.
Núverandi ríkisstjórn Katrínar Jakobsdóttur hefur nefnilega normalíserað svindl og svínarí.
Skaðinn er ekki bara mældur í krónum heldur einnig í þeim mórölsku skilaboðum að Ásmundur Einar Daðason gegnir ráðherraembætti eins og ekkert sé. Núverandi ríkisstjórn Katrínar Jakobsdóttur hefur nefnilega normalíserað svindl og svínarí. Löghlýðnir og siðferðilega traustir landsmenn hugsa að það fylgir því vegsauki að vera skúrkur. Svona háttsemi skilar manni til æðstu metorða og hárra launa.
Ásmundur Einar Daðason hraktist úr tveimur kjördæmum vegna óvinsælda og skammar áður en hann ákvað að misbjóða Reykvíkingum með framboði í borginni fyrir Framsókn. Því miður þá létu ýmsir óvitrir Reykvíkingar blekkjast og kusu svíðinginn. Nú hafa þrjár systur og frænkur ráðherrans hafið útsendingar á hlaðvarpsþáttum þar sem saga Ásmundar Einars og nánustu fjölskyldu er rekin í smáum atriðum. Ég hvet kjósendur í Reykjavík að leggja við hlustir. Frásögurnar eru magnaðar.