„Í vor birti Viðskiptaráð vandaða alþjóðlega samanburðarkönnun svissnesks háskóla, sem sýndi að Ísland situr verulega fyrir neðan önnur Norðurlönd á listanum. Þegar kemur að samkeppnishæfni í alþjóðaviðskiptum og erlendri fjárfestingu situr Ísland í botnsætunum. Þetta veikir þekkingariðnaðinn og stöðu lítilla og meðalstórra fyrirtækja. Enginn bjóst við að þessi alvarlega staða yrði rædd á flokksráðsfundi VG. En það kom verulega á óvart að landsfundur Sjálfstæðisflokksins lét eins og vandinn væri ekki til,“ segir meðal annars í nýrri grein Þorsteins Pálssonar sem er að finna í Fréttablaðinu í dag.