- Advertisement -

Sannkölluð mannvitsbrekka

Jóhann Þorvarðarson skrifar:

Eiginfjárstaða Reykjavíkurborgar er sterk eða um 46 prósent. Það merkir að Reykvíkingar eiga mikið meira af eignum en skuldum.

Blómaskreytingarkonan Vigdís Hauksdóttir gengur ekki bratta mannvitsbrekku. Svo mikil ringulreið fylgir Vigdísi að henni tekst auðveldlega að vera ósammála sjálfri sér í einu og sama viðtalinu henti það athyglissýki hennar. Frægt er þegar Vigdís sagði á Alþingi að skýrsla sem hún var aðili að væri ekki skýrsla fyrr en á morgun. Þar til þá væri skýrslan „plagg“.

Nýjasta útspil Vigdísar kom í gær þegar ný fjárhagsáætlun borgarinnar var til umræðu. Lagði Vigdís fram bókun þar sem hún romsar upp úr sér að skuldir borgarinnar á hvern borgarbúa væru svo og svo miklar. Á sama tíma sleppir hún alveg að fjalla um sterka eignastöðu borgarinnar. Vitleysan í Vigdísi er á pari við að segja að íbúðareigandi skuldi svo og svo mikið í íbúð sinni, en sleppa því síðan að upplýsa að virði íbúðarinnar er talsvert meira en skuldirnar. Eiginfjárstaða Reykjavíkurborgar er sterk eða um 46 prósent. Það merkir að Reykvíkingar eiga mikið meira af eignum en skuldum. Og færa má fyrir því rök að eignir séu vanmetnar á meðan skuldir eru raunmetnar.  


Auglýsing

Tengdar fréttir sem þú gætir haft áhuga á að lesa: