- Advertisement -

Segir Guðlaug Þór slá skjaldborg um vopnaða dóp­sala

„Kannski kem­ur nú í hlut ís­lenska ut­an­rík­is­ráðuneyt­is­ins þegar það hef­ur af­vopnað lög­gæslu­menn sem eru að abbast upp á dóp­sala með kalasnikoffa á Fil­ipps­eyj­um að leggja niður kvóta­kerfið.“

„Þetta ætti ís­lenski ut­an­rík­is­ráðherr­ann að kanna sér­stak­lega þegar hann kem­ur næst frá Fil­ipps­eyj­um þar sem hann hef­ur slegið skjald­borg um vopnaða dóp­sala og grúpp­ur af svipuðu tagi en enn bet­ur vopnaðar og selja barn­ung­ar stúlk­ur í þræl­dóm,“ þetta er meðal þess sem má lesa í Reykjavíkurbréfi Davíðs Oddssonar.

„Áður var það sér­stak­ur út­send­ari Gaddafis sem stjórnaði þessu Mann­rétt­indaráði í kurt­eis­legu sam­starfi við út­send­ara frá Kúbu og Sádi-Ar­ab­íu. Þegar Banda­rík­in treystu sér ekki leng­ur að sitja eða borga til þess­ar­ar starf­semi hljóp Ísland til, ullaði á Banda­rík­in og tók upp merkið sem eng­inn ann­ar gat hugsað sér að taka upp. Skyldi hafa farið fram umræða um þetta í rík­is­stjórn­inni eða töldu ráðherr­ar að það væri elítan af orkupakk­inu sem sæti þarna í þessu heims­furðuráði og þar væri okk­ar önd­vegi? Það var jú angi af þess­um meiði sem úr­sk­urðaði að ís­lenska kvóta­kerfið bryti mann­rétt­indi Sam­einuðu þjóðanna og full­trú­ar Gadaffis og Bokassa for­seta eða annarra slíkra eðal­menna voru ekki í vafa um að ís­lenska furðumennið með hatt­inn hefði hitt nagl­ann á höfuðið í gegn­um hatt­inn í það sinnið.“

Og svo þetta: „Kannski kem­ur nú í hlut ís­lenska ut­an­rík­is­ráðuneyt­is­ins þegar það hef­ur af­vopnað lög­gæslu­menn sem eru að abbast upp á dóp­sala með kalasnikoffa á Fil­ipps­eyj­um að leggja niður kvóta­kerfið.“


Booking.com

Auglýsing

Tengdar fréttir sem þú gætir haft áhuga á að lesa: