Jóhann Þorðvarðarson skrifar:
Hann segir Vesturlönd ekki bera nægileg virðingu fyrir Rússlandi eða ráðamönnum landsins og því sé hildarleikur í Úkraínu.
Þetta er víst hið fullkomna siðrof og spyrja verður hver bauð manninum í þáttinn.
Ég er enn að klóra mér í hausnum, og með flösu á öxlunum, eftir viðtalið við fyrrverandi forseta landsins í Silfri gærdagsins. Hann segir Vesturlönd ekki bera nægileg virðingu fyrir Rússlandi eða ráðamönnum landsins og því sé hildarleikur í Úkraínu. Nær einhver utan um þvæluna í Ólafi Ragnari? Menn ávinna sér virðingu og hún verður hvorki keypt né heimtuð. Samkvæmt orðum Ólafs Ragnars þá ættu þjóðir heimsins að bera virðingu fyrir mönnum eins og Ted Bundy og öðrum raðmorðingjum.
Hér heima og erlendis þá áttu allir samkvæmt Ólafi Ragnari að bera ægilega mikla virðingu fyrir útrásarvíkingunum, sem settu Ísland á hliðina. Hann mærði gengið og sagði þá vaskari en fólk almennt. Orðin eru enn í dag höfð að háði og spotti enda komst forsetinn fyrrverandi á spjöld sögunnar, sem einn af vitringum heimsins. Hann hefur ekkert lært enda svag fyrir peningum og völdum þó illa sé fengið. Þetta er víst hið fullkomna siðrof og spyrja verður hver bauð manninum í þáttinn.