Jóhann Þorvarðarson skrifar:
Þetta minnir mig á framgöngu Pútíns og félaga í rússneskum kosningum þar sem lögregluvaldi er beitt miskunnarlaust til að kúga almenning.
Íslenskt lýðræði er undir árás og árásaraðilinn er Sjálfstæðisflokkurinn. Í árásinni styðst flokkurinn við eigin útsendara og vald sitt yfir dómsmálaráðuneytinu. Fyrir liggur viðurkenning á ólöglegri meðhöndlun og talningu atkvæða í Borgarnesi þar sem Sjálfstæðismaðurinn Ingi Tryggvason fór höndum um atkvæði án viðurvistar vitna. Hann laumaði sér inn á hótelsalinn í Borgarnesi þegar enginn sá til. Grúskaði og færði atkvæði til. Það breytti skipan Alþingis, sem fyrir vikið er ólöglega skipað.
Af þeim viðbótaratkvæðum sem dúkkuðu óvænt upp þá fóru nánast öll til Sjálfstæðisflokksins. Mínir líkindareikningar sýna að einungis 0,000661 prósent líkur voru á þeirri niðurstöðu. Það eitt og sér sannar að átt var við niðurstöður Alþingiskosninganna í september í fyrra í tilgangi sem þóknaðist Valhöll. Samt kom sjálfstæðismaðurinn Birgir Lúkasénkó Ármannsson fram og lýsti yfir að svindl talningin hefði engu breytt. Lífið hélt bara áfram því stjórnarandstaðan er svo grútmáttlaus og almenningur gerir ekkert. Lætur lýðræðisnauðgunina yfir sig ganga í undirgefni sinni.
Ingi og félagar þurfa ekki að bera neina ábyrgð eða sæta refsingu því í krafti eignar Sjálfstæðisflokksins á dómsmálaráðuneytinu þá hefur lögreglustjórinn á Vesturlandi bara fellt málið niður. Segir ranglega að enginn lagagrundvöllur sé fyrir því að stefna Inga Tryggvasyni þrátt fyrir viðurkenningu hans á lagabrotum liggi fyrir. Þetta minnir mig á framgöngu Pútíns og félaga í rússneskum kosningum þar sem lögregluvaldi er beitt miskunnarlaust til að kúga almenning.