Frosti Sigurjónsson, fyrrverandi þingmaður, er ekki ýkja hrifinn eftir lestur hvítbókarinnar.
„Var að glugga í hvítbók um fjármálakerfið. Finn varla stafkrók í þeirri skýrslu um þýsku samfélagsbankana „sparkassen“ sem hafa verið kjölfesta í þýsku efnahagslífi í meira en hundrað ár og njóta mikils trausts hjá almenningi. Nefndin fékk ítarlega kynningu á þýsku samfélagsbönkunum en fjallar samt ekkert um kosti þeirrar leiðar. Hún vitnar í álit Ásgeirs Jónssonar um samfélagsbanka, en hann hefur verið mótfallinn þeim hugmyndum og fjallar ekkert að gagni hvort sparkassen útfærslan gæti gagnast hér. Þetta er skandall í ljósi þeirrar miklu umræðu sem hefur verið um þetta fyrirkomulag hérlendis. Fyrst nefndin klúðraði þessu svona rækilega hlýtur ríkisstjórnin að gera sérstaka úttekt á því hvort þetta fyrirkomulag geti skilað ávinningi hér á landi.“
Þá er tilefni til að rifja upp orð Bjarkeyjar Olsen Gunnarsdóttur, þingflokksformanns Vg, hér á Miðjunni:
„Við Vinstri græn höfum rætt mikið um samfélagsbanka og tel ég að þá hugmynd þurfi að ræða betur.“
Eins sagði hún.
„Hvítbókin er ágætis innlegg í umræðuna og nær markmiðum sínum sem voru að vera grundvöllur umræðu um stefnumótun og ákvarðanatöku í samræmi við stjórnarsáttmálann. En hvítbókin er ekki, og var aldrei ætlað að vera einhver heilagur sannleikur um hvað skyldi gera í þessum málum til framtíðar.“