- Advertisement -

Skrifar Katrínu vegna Ásmundar Einars

Jóhann Þorvarðarson pistlahöfundur hefur skrifað forsætisráðherra opið bréf og óskar svara vegna mála sem tengjast Ásmundi Einari Daðasyni félagsmálaráðherra. Bréf Jóhanns fer hér á eftir:

Forsætisráðuneytið

Bt. Katrínar Jakobsdóttur

Stjórnarráðshúsið við Lækjartorg

Þú gætir haft áhuga á þessum

101 Reykjavík

Ég sem íslenskur ríkisborgari og kjósandi rita þetta bréf vegna þess að mér er misboðið. Ég get ekki séð að það sé siðferðilega rétt né í samræmi við siðareglur þingmanna að Ásmundur Einar Daðason gegni ráðherraembætti í ríkisstjórn Íslands.

Ársreikningar sumra, ef ekki allra, fyrirtækja fjölskyldu ráðherrans eru ekki í samræmi við lög um ársreikninga. Skil á ársreikningum inn til ársreikningaskrár er einnig í ósamræmi við lögin. Viðurlög við brotum á lögum um ársreikninga getur varðað allt að 6 ára fangelsi svo alvarleg þykja brot á þessum lögum vera. Svo er uppi grunur um að ákveðið fyrirtæki í eigu og umsjón fjölskyldu ráðherrans hafi gerst brotlegt við 262. grein hegningarlaga. Greinin fjallar um undanskot frá skatti. Sjálfur fullyrði ég ekkert varðandi þetta atriði og vísa alfarið í umfjöllun Kvennablaðsins frá árinu 2016 sbr. netslóð hér neðar. Það er fullt tilefni að fram fari opinber rannsókn á bókhaldi og ársreikningum fyrirtækja í eigu og umsjón fjölskyldu ráðherra.

Slá má því föstu að fjölskylda ráðherra hefur verið á kennitöluflakki. Máli mínu til stuðnings vísa ég til þriggja greina eftir sjálfan mig sem birtust á vettvangi Miðjunnar. Netslóðir greinanna er að finna hér næst til hægðarauka:

#1.

#2.

#3.

Svo er það netslóðin að umfjöllun Kvennablaðsins:

#4.

https://kvennabladid.is/2016/08/12/svinad-a-verkamanni-og-svikid-undan-skatti-a-logheimili-asmundar-einars-dadasonar/

Ég vil benda á að hagsmunaskráning Ásmundar Einars hefur ekki verið í samræmi við siðareglur þingmanna síðan núverandi ríkisstjórn tók við völdum.

Jafnframt, tel ég að ráðherrann Ásmundur Einar gjaldfelli Lífskjarasamningana sem þú sjálf hefur lýst sem mikilvægum tímamótasamning. Í honum er farið fram á aðgerðir gegn kennitöluflakki og að stuðlað verði að heilbrigðara atvinnulífi. Það þarf vart að minnast á það að launþegahreyfingin með ASÍ í fararbroddi hefur um árabil barist gegn bæði kennitöluflakki og mansali með vel ígrunduðum tillögum. Það þarf heldur ekki að rifja upp þínar eigin yfirlýsingar í þessum efnum á þínum pólitíska ferli.

Ég er hugsi yfir því að ef þú meinar að Lífskjarasamningarnir séu mikilvægir að á sama tíma teljir þú réttlætanlegt að Ásmundur Einar geti gegnt ráðherrastöðu. Í þeirri afstöðu fælist tvöfalt siðferði!

Ég leita góðfúslega eftir skriflegum svörum frá þér varðandi spurninguna hvort það sé verjandi að Ásmundur Einar gegni áfram ráðherraembætti í ljósi þeirra upplýsinga sem ég hef opinberað? Og ég spyr einnig góðfúslega af hverju svo er ef það er afstaða þín?

Ef þú telur það ekki verjandi að Ásmundur Einar gegni ráðherraembætti muntu beita þér fyrir breytingum á skipan ríkisstjórnarinnar?

Mitt mat er að óbreytt skipan sendi skýr skilaboð til landsmanna um siðferðileg gildi ríkisstjórnarinnar og að virðing stjórnarinnar fyrir Lífskjarasamningnum sé ekki til staðar.

Að lokum vil ég vísa til 9. greinar stjórnsýslulega varðandi afgreiðsluhraða erindisins.

Virðingarfyllst

Jóhann Þorvarðarson


Booking.com

Auglýsing

Tengdar fréttir sem þú gætir haft áhuga á að lesa: