„Frumvarpið sem við greiðum atkvæði um í dag svarar hins vegar ekki grundvallarspurningunni, þeirri réttlætisspurningu sem við höfum glímt við um árabil, sem er: Hvert er réttmætt tilkall þjóðarinnar til arðs af auðlindinni?“
Þetta sagði Rósa Björk Brynjólfsdóttur Vg við atkvæðagreiðslu um lækkun veiðigjalda.
„Í þessu frumvarpi er sterklega gefið til kynna í greinargerð að veiðigjöldin dragi úr fjárfestingum í sjávarútvegi, dragi úr tæknilegum framförum, skerði samkeppnisstöðu, leggist á landsbyggðina og séu almennt til þess fallin að leggja nánast allan sjávarútveg í rúst. Staðhæfingar þessar eiga ekki við rök að styðjast og kannski síst á þeim degi þegar forstjóri stærsta sjávarútvegsfyrirtækis landsins segir að þjóðin eigi ekki fiskinn í sjónum,“ sagði hún.
Þorgerður Katrín sagði, við sama tækifæri: „Það er erfitt að horfa upp á þessa markvissu lækkun. Skjaldborgin sem ríkisstjórnin reisti var ekki um heimilin í landinu, hún var ekki um eldri borgara, hún var ekki um öryrkja. Skjaldborgin sem ríkisstjórn Íslands reisti var um stórútgerðina og hennar vini.“
Oddný Harðardóttir, tók einnig til máls og sagði meðal annars: „Horfið er frá því að vega hagnað fiskvinnslunnar inn í ákvörðun veiðigjalds og þannig myndast hvati fyrir útgerðirnar til að færa hagnað frekar yfir á vinnslu ef hægt er og hafa þannig áhrif á að veiðigjöldin lækki. Fasti kostnaðurinn er slump, svo eitthvað sé nefnt við þetta frumvarp sem er óásættanlegt.“