- Advertisement -

Spádómsgáfa Ásgeirs Jónssonar, ert′að grínast!

Þetta er upprétt langatöng frá forsætisráðherra landsins til þessa stóra hóps!

Jóhann Þorvarðarson skrifar:

Mikilvægasta hlutverk seðlabanka, og í raun það eina sem skiptir máli þegar öllu er á botninn hvolft,  er að spá fyrir um þróun hagmála. Á ögurstundu þegar vextir og peningamagn í umferð er ákveðið þá nýtist einn eiginleiki betur en allir aðrir eiginleikar samanlagðir. Það er hæfileikinn að lesa í aðstæður og spá um framtíðina. Hér er ekki bara hægt að reiða sig á spálíkön heldur blandast afburða dómgreind og spáhæfni inn í málið.

Ásgeir Jónsson nýráðinn seðlabankastjóri hefur sýnt það og sannað að hann býr ekki yfir þessum eiginleikum.

Þú gætir haft áhuga á þessum

„Við spáum því að hagnaður fjármálafyrirtækja muni aukast um 65% frá sama tíma í fyrra, ….“.

17. Apríl 2007 eða einu og hálfu ári fyrir hrun stóð Ásgeir Jónsson að löngu fréttabréfi í nafni Kaupþings banka. Hann var ábyrgðarmaður og sagði meðal annars „Greiningardeild spáir því að hagnaður þeirra fyrirtækja sem afkomuspár ná til muni nema um 99,5 mö.kr á fyrsta ársfjórðungi og aukast um 75% frá sama tímabili í fyrra. Við spáum því að hagnaður fjármálafyrirtækja muni aukast um 65% frá sama tíma í fyrra, ….“.

Síðan heldur hann áfram og segir að þrátt fyrir að hlutabréfavísitölur hafi hækkað um 20% það sem af er árinu sé enn þá rúm fyrir 10% hækkun í viðbót það sem eftir lifir af árinu 2007. Síðan útskýrir Ásgeir að spá um hækkun vísitölunnar sé að miklu leiti spá um hækkun á gengi bankanna þriggja enda vega þeir um 67% af vísitölunni. Já, Ásgeir var bjartsýnn á framtíðina.

Ásgeir var ekki hættur. Í blaðaviðtali 13. ágúst 2008 eða tveim sekúndum fyrir bankahrunið þá lýsti hann því yfir að gervallur fjármálamarkaður heimsins hefði rangt fyrir sér. Þannig háttaði málum á þessum tíma að skuldatryggingaálag bankanna hafði snarhækkað. Var komið í flokk sem endurspeglar það álit að íslensku bankarnir eigi enga framtíð. Við þessar aðstæður sagði spágúrúinn hann Ásgeir Jónsson að um væri að ræða tæknilegt vandamál og vænti hann þess að álagið fari nú hratt lækkandi. Allir þekkja framhaldið. Bankarnir féllu eins og spilaborg um leið og trúverðugleiki Ásgeirs fauk út um gluggann.

Það er athyglisvert að skoða hvernig Seðlabanki Bretlands stóð að ráðningu núverandi seðlabankastjóra, Mark Carney. Yirvöld einsettu sér að ráða hæfasta manninn á heimsvísu. Hæfnikröfurnar voru að viðkomandi væri óumdeildur, nyti trausts, væri trúverðugur, með glæsilega ferilskrá og hæfni til að sjá inn í nærliggjandi framtíð! Mark Carney var þá seðlabankastjóri Seðlabanka Kanada og hafði hann vakið athygli fyrir störf sín á heimsvísu.

Katrínu Jakobsdóttur forsætisráðherra fannst nægilegt að fara yfir Hljómskálagarðinn og ná í Ásgeir Jónsson upp á þriðju hæð í Odda hjá Háskóla Íslands. Manninn sem hefur lítinn trúverðugleika og lítið traust. Hvað ætli það séu margar fjölskyldur í landinu sem eiga um sárt að binda eftir að hafa elt ráðgjöf spágúrúsins hjá Kaupþingi, fjölskyldur sem misstu allt og flosnuðu upp? Þetta er upprétt langatöng frá forsætisráðherra landsins til þessa stóra hóps!


Booking.com

Auglýsing

Tengdar fréttir sem þú gætir haft áhuga á að lesa: