Jóhann Þorvarðarson:
Ég spyr er stjórn Landsvirkjunar samþykk þessari kerfisbreytingu og fékk málið umræðu innan stjórnar? Það verður gagnlegt að kalla eftir afriti af fundargerðum stjórnarinnar ef þær þá fást afhentar.
RÚV upplýsir að Landsvirkjun hafi í skjóli nætur útvistað tiltekinni heildsölu á rafmagni til vildarvinar fyrirtækisins án útboðs eða samkeppni. Hingað til þá hefur Landsvirkjun sjálf séð um málin með góðum árangri, en nú á vel tengdur Sjálfstæðismaður að taka við undir því falska yfirskini að með ráðstöfuninni komist á einhver heildsölumarkaður með rafmagn. Og það á samkvæmt þessu að vera betra að X-D skúffumaður út í bæ sjái um mál þegar í raun það eina sem vantar er að Landsvirkjun skelli upp upplýsingaskjá með heildsölutilboðum og verðum svo allir geti fylgst með.
Tinna Traustadóttir, framkvæmdastjóri sölu- og þjónustu hjá Landsvirkjun, slengir fram í viðtali hjá RÚV að um nýsköpunar- og þróunarverkefni sé að ræða. Yfirvarpið er hræðilega vandræðalegt þegar haft er í huga að Tinna segir í sama viðtali að um staðlaða samninga sé að ræða þegar kemur að heildsölusamningum með raforku og hafi verið stuðst við þá í áraraðir. Sem sagt, það er nýsköpun og þróun að færa verkefnið frá Háaleitisbraut 68 þar sem Landsvirkjun er til húsa og yfir í Hlíðasmára 12 þar sem Björgvin Skúli Sigurðsson rekur fyrirtæki sitt Vonarskarð. Þangað er stutt að fara fyrir Björgvin Skúla sem býr í Garðabæ steinsnar frá formanni Sjálfstæðisflokksins . Ég spyr er stjórn Landsvirkjunar samþykk þessari kerfisbreytingu og fékk málið umræðu innan stjórnar? Það verður gagnlegt að kalla eftir afriti af fundargerðum stjórnarinnar ef þær þá fást afhentar.
Um er að ræða þjóðhagslega mikilvægt mál og verður að spyrja hverju sætir að málið hafi ekki fengið pólitíska umræðu hjá landsmönnum og innan veggja Alþingis því verið er að einkavinavæða hluta af starfsemi Landsvirkjunar. Á ferðinni eru viðskipti sem hlaupa á tugum ef ekki hundruðum milljarða króna til lengri tíma litið. Og ef Tinna talaði af sér í viðtalinu þá má búast við að fyrirtæki nágranna fjármálaráðherra fái allt að hálft prósent í þóknun fyrir það sem Landsvirkjun hefur gert hingað til innan húss. Af hverjum tíu milljörðum þá fær nágranni fjármálaráðherra og góður vinur Sjálfstæðisflokksins 50 milljónir króna í þóknun fyrir að ganga frá stöðluðum samningi í hjáverkum á meðan hann planleggur næstu skref í afáti frá Landsvirkjun. Þetta er íslenski kapítalisminn upp á sitt besta.
Síðan má spyrja hver hin raunverulegu eignartengsl Vonarskarðs ehf. eru því svona díll fæst vart öðruvísi en að það þurfi að launa ofureldið? Að lokum spyr ég, hvar er stjórnarandstaðan?
Síðan geta lesendur reiknað sig niður ef þóknunin er lægri. Hvernig sem á málið er litið þá er verið að færa vini Sjálfstæðisflokksins og nágranna aðal tekjur sem geta hlaupið á hundruðum milljóna króna. Og hver borgar síðan gullfóðrunina annar en almenningur í formi hærri rafmagnsreiknings? Síðan má spyrja hver hin raunverulegu eignartengsl Vonarskarðs ehf. eru því svona díll fæst vart öðruvísi en að það þurfi að launa ofureldið? Að lokum spyr ég, hvar er stjórnarandstaðan?