Jóhann Þorvarðarson:
Almenningur situr aftur á móti uppi með skaðann af krónunni eins og til dæmis geggjaða stýrivexti. Ég vorkenni Íslandi að hafa steingerving sem ráðherra!
Eins og Árni Mathiesen fyrrverandi fjármálaráðherra þá er Sigurður Ingi dýralæknir og sem slíkur ábyggilega bara fínn. En þegar kemur að peninga- og gjaldmiðlamálum þá er hann úti í móa og skilur ekki hvað snýr upp eða niður. Samt finnst honum bara eðlilegt að randa tóma þvælu um efnið í beinni á Bylgjunni, en þar sagði hann að krónan væri sveiflujafnari og héldi uppi atvinnu í landinu. Sannast sagna þá hélt ég að þessi dauðans della væri hætt að heyrast, en það er víst alltaf von á einum úr forneskjunni. Svona einum steingerving sem lifnaði allt í einu við og heldur að árið 1.000 fyrir krists burð sé dagurinn í dag.
Í stað þess að hafa mörg orð um dellu Sigurðar Inga þá segir myndin sem fylgir meira en þúsund orð. Alla þessa öld, eða síðan Danir bundu sína krónu með rembihnút við evruna, þá hefur verðbólga verið miklu minni hjá frændum okkar þar sem Sigurður lærði til dýralækni, en ekki hagfræði. Sömu sögu er að segja um atvinnuleysi og stýrivexti. Gjaldmiðill skapar ekki atvinnu heldur eru það aðrir þættir. Almenningur situr aftur á móti uppi með skaðann af krónunni eins og til dæmis geggjaða stýrivexti. Ég vorkenni Íslandi að hafa steingerving sem ráðherra!