- Advertisement -

Steingrímur Joð alveg gapandi hissa

Eldrauður og nær froðufellandi náði hann að græta þingkonu.

Jóhann Þorvarðarson skrifar:

Steingrímur Joð þykist rosalega hissa á niðurstöðum Félagsvísindastofnunar um óalandi samskipti innan Alþingis. Þessi hissugleiki kemur úr hörðustu átt enda hefur Steingrímur Joð verið aðalsprautan á þingi í mörg ár. Ofsetinn og verið  mótandinn á þeirri menningu sem þar þrífst með eigin gauragangi.

Það er örugglega enginn búinn að gleyma því þegar óhemjan Steingrímur Joð tók sér stöðu í ræðustól Alþingis í fyrra og barði í púltið, öskraði og baðaði út skönkum. Eldrauður og nær froðufellandi náði hann að græta þingkonu. Sakaði hana um þekkingarleysi og sagði að hún ætti bara ekkert að tjá sig. Svo hefur hann illa getað látið þingmenn Pírata í friði þegar þeir eru í ræðustól. Stöðvar ítrekað tal þeirra, styttir ræðutíma þeirra og þaðan í verra. Sumir kalla þetta einelti! Þjóðin man líka ágætlega þegar hann kallaði Davíð Oddsson gungu og druslu úr ræðustól Alþingis. Og þetta endar ekki hér. Hann sem forseti þingsins og formaður forsætisnefndar tók þátt í því að glórulaus kvörtun ökuþórsins Ásmundar Friðrikssonar um tjáningu Þórhildar Sunnu þingkonu fengi brautargengi.

Þú gætir haft áhuga á þessum

Nú er lag fyrir Steingrím Joð að axla ábyrgð á eigin þingmannsferli og segja af sér þingmennsku. Hætta þessum leikaraskap að hann sé voða hissa. Það myndi framkalla gott víkingaklapp með góðu húúi landið í kring.


Tengdar fréttir sem þú gætir haft áhuga á að lesa: