Jóhann Þorvarðarson:
Fjárlaganefnd Alþingis og stjórn RÚV hlýtur að taka vitleysuna til skoðunar með það fyrir augum að koma Íslandi í fremstu röð eins og þegar Selma og Jóhanna Guðrún sungu frábærlega.
Þá hefur klíkugengið sem stendur að baka íslenska Eurovision tjáð sig með formlegum hætti eftir niðurlæginguna í Liverpool á dögunum. Gengið sem telur hvorki meira né minna en 18 manns og eyðir tugum milljóna af skattfé landsmanna er bara rosalega stolt og sátt með svaðilförina. Já, það er um að gera að hleypa ekki sjálfsgagnrýni inn og ganga bara hnarrreist um með allt aftan til í brókinni.
Frammistaðan var svo slök að meira að segja Liverpool fótboltaliðið datt út af sigurbraut eftir að hafa séð íslensku söngkonuna gera sig kjánalega í búningi liðsins inn á bar í hjarta Liverpoolborgar. Já, bara af því að aðalkynnir Íslands var á einhverju einkaflippi á kostnað landans. Fjárlaganefnd Alþingis og stjórn RÚV hlýtur að taka vitleysuna til skoðunar með það fyrir augum að koma Íslandi í fremstu röð eins og þegar Selma og Jóhanna Guðrún sungu frábærlega. Og auðvitað einnig til að krefjast þess að vel sé farið með skattfé. Aðalkynnirinn á auðvitað að borga eigin fíflalæti úr sínum vasa.