Jóhann Þorvarðarson:
Núna þykist hann geta gefið góð ráð varðandi rekstur borgarinnar, en nýjasta þráhyggja Davíðs er meint óreiða við mokstur gatna borgarinnar.
Aumkunarvert er að fylgjast með skrifum Davíðs Oddssonar um málefni borgarinnar. Maðurinn sem stóð að fjölmörgum ákvörðunum, sem settu Seðlabanka Íslands í þrot og íslenska hagkerfið á hliðina. Núna þykist hann geta gefið góð ráð varðandi rekstur borgarinnar, en nýjasta þráhyggja Davíðs er meint óreiða við mokstur gatna borgarinnar. Sjálfur virðist hann ekki sjá út um eigin augu sökum gufu, sem pípar út um vitin vegna haturs á öllu og öllum.
Sjálfur bý ég í Grafarvoginum og hér hefur verið ferðafært frá öllum íbúðargötum í hverfinu frá því á laugardagskvöld. Snjó hefur verið rutt burt, en auðvitað skefur sums staðar aftur yfir án þess að það stoppi gangverkið. Ekki er hægt að ætlast til að starfsmenn borgarinnar standa á hverju götuhorni út um alla borg. Eitthvað þarf almenningur að bjarga sér með og þá gagnast væn skófla.