- Advertisement -

Sunnefa í Heima er bezt í kvöld

Þór Tulinius, leikar og leikstjóri, er gestur í þættinum Heima er bezt á Hringbraut í kvöld, klukkan 21:00.

Sunnefumálið verður til umræðu. Hér er stutt brot af fínni umfjöllun um málið sem er að finna í nýjasta tölublaði Heima er bezt:

Sumarið 1739 rötuðu systkinin Jón og Sunnefa Jónsbörn, sem þá voru í Borgarfirði eystra, í það mikla ólán að eiga barn saman. Hófst þá mikil saga. Jón var þá fjórtán ára og Sunnefa sextán ára. Þeirra beið dauðadómur.

„Þessi glæpur var þá svo algengur, að hann hefur vakið minni eftirtekt en hann myndi hafa gjört nú á dögum, en varð þó vegna æsku þeirra Sunnefu og Jóns að drjúgu umtalsefni manna á meðal. Þau systkini voru með þessu fallin í það stórmæli, að ekki var nema vonlegt, að þau vildu reynda að smeygja sér úr því. Greip Sunnefa þá til þess óyndis úrræðis að lýsa Erlend nokkurn Jónsson föður að barninu. Þá var þó farið að komast kvis á það hvernig í öllu lægi. Sóknarprestur Sunnefu, síra Gísli Gíslason, skarst í leikinn, og fékk hana, þó með naumindum væri, til að taka lýsinguna aftur, með „guðlegum áminningum“, og játa hið sanna, að Jón væri faðir barnsins. Jens Wium sýslumaður tók þau systkini í varðhald og hélt próf í málinu á Desjamýri 2. nóv. 1739.“

Þú gætir haft áhuga á þessum

Auglýsing

Tengdar fréttir sem þú gætir haft áhuga á að lesa: