- Advertisement -

Svandís hægri Svavarsdóttir, hér er önnur frásögn!

Þrenningin sendir síðan upprétta löngutöng til þjóðarinnar í gegnum stífbónaðar rúður rokdýrra og nýrra ráðherrabíla.

Jóhann Þorvarðarson skrifar:

Aðili sem ég þekki átti erindi á Slysa- og bráðadeild nýlega og fylgdi ég viðkomandi til öryggis. Starfsfólkið var frábært, en aðbúnaðurinn ömurlegur. Þrengsli um allt. Veikt og slasað fólk í rúmum um alla ganga og ofan í hvort öðru. Líka inn í kompum. Sjúklingum nánast staflað upp í sama rúmið. Hóstandi og emjandi í hálsmál hvors annars.

Samtöl og viðkvæmar persónuupplýsingar sjúklinga heyrðust skýrt milli rýma og til ókunnugra. Þarna er algjört delluástand! Sjúklingurinn sem ég fylgdi beið í 7 klukkustundir eftir að fá fullklráraða þjónustu og þykir það víst vel sloppið. Ég frétti af öðrum sjúklingi sem þurfti 12 tíma til að fá sína læknaþjónustu á bráðadeildinni. Svo margir eru sjúklingarnir að starfsfólk kemst ekki yfir verkefnin nema að búa til óhemju langar biðraðir. Svo er bara sagt að um fráflæðisvanda sé að ræða eins og það sé ekki alvarlegt.

Þú gætir haft áhuga á þessum

…var ekki Kristján Þór Samherjaráðherra að lækka veiðileyfagjöld…

Allt þetta er í boði Svandísar hægri Svavarsdóttur heilbrigðisráðherra, Panamaprinsins Bjarna Ben fjármálaráðherra og formanns fjárlaganefndar Willum Þórs Þórssonar. Willum Þór hefur nýlega krafist í viðtölum aukins aðhalds og meiri sparnaðar hjá Landsspítalanum. Er alveg grjótharður í ómennsku sinni. Já, þetta lið skálar í kampavín og segir bara sorry yfir dauðsfalli sjúklings sem var greindur ranglega vegna mikils álags á deildinni. Þrenningin sendir síðan upprétta löngutöng til þjóðarinnar í gegnum stífbónaðar rúður rokdýrra og nýrra ráðherrabíla. Það er nefnilega ekki til money fyrir þessa lífsnauðsynlegu deild. En það má alltaf kaupa nýjan ráðherrabíl handa hægri Kötu Jak. Það er nauðsynlegt!

Já, meðan ég man, var ekki Kristján Þór Samherjaráðherra að lækka veiðileyfagjöld svo Samherja-illvirkið geti grætt fleiri skrilljónir? Og ég man líka að skattur á fjármagnstekjur er með því lægsta sem þekkist í heiminum. Mammon er nefnilega æðri þjóðinni hjá þessum sjálfshyggju-gömmum.


Auglýsing

Tengdar fréttir sem þú gætir haft áhuga á að lesa: