- Advertisement -

Taglhnýtingur fjármálaráðherra

Henni er sama þótt illa sé farið með ríkiseigur svo lengi sem hún haldi starfi sínu.

Jóhann Þorvarðarson skrifar:

Aðallinn keppist við að telja almenningi trú um að útsalan á eign ríkisins í Íslandsbanka hafi verið vel heppnuð aðgerð. Sem dæmi þá notar fjármálaráðherra hvert tækifæri til að fullyrða að tombólan hafi gengið eins og vel smurð vél. Nú hefur bankastjóri Íslandsbanka, Birna Einarsdóttir, stígið fram og sagt fjáraustur af efnahagsreikningi ríkisins til lítils hluta landsmanna vera vel lukkaða. Að Birna syngi í kór með fjármálaráðherra kemur ekki á óvart enda á hún starf sitt undir því að ráðherrann sé sáttur við hana. Það er því ekkert að marka orð hennar. Henni er sama þótt illa sé farið með ríkiseigur svo lengi sem hún haldi starfi sínu.

Birna sagði í viðtali á dögunum að stuðst hafi verið við alþjóðlegar viðurkenndar aðferðir við að verðmeta hlutabréfin í bankanum. Spurð nánar út í þetta þá sagði hún orðrétt „Þetta er gert með þeim hætti að þú ert að tala við fjárfesta, það eru fjárfestafundir og svo er verið að þreifa á verðum ….. Svo koma skýrslur greinenda. Þetta er hreint bull í Birnu sem tekur hér á sig krók til að verja misgjörðir fjármálaráðherra landsins. Birna veit mæta vel að hlutirnir eru ekki með þeim hætti sem hún lýsir annars væri hún ekki starfi sínu vaxin.

Þú gætir haft áhuga á þessum

Það er sorglegt að sjá hvernig bankastjóri ríkisbankans misnotar stöðu sína til að verja misgerð fjármálaráðherra ríkisstjórnar Katrínar Jak.      

Efnahags- og framfarastofnunin hefur gert úttekt á aðferðum sem beitt er við einkavæðingu í þróuðum ríkjum heimsins samanber þessi grein hér Illa unnið verk. Þar er því lýst að fjölmörgum fjárfestum er boðið til leiks að keppa um verðlagninguna ríkiseignarinnar sem selja á. Fyrst með óbindandi tilboðum og svo þegar í úrslit er komið með bindandi tilboðum. Þannig fæst hæsta verð fyrir hina seldur ríkiseign. Það er sorglegt að sjá hvernig bankastjóri ríkisbankans misnotar stöðu sína til að verja misgerð fjármálaráðherra ríkisstjórnar Katrínar Jak.      


Tengdar fréttir sem þú gætir haft áhuga á að lesa: