- Advertisement -

Telur Reykjavík ruslakistu óhreinlyndis

Öryrkjar hafa orðið illa fyrir barðinu á fantaskap hans.

Jóhann Þorvarðarson skrifar:

Þar sem Ásmundur Einar Daðason þingmaður Framsóknar hreiðrar um sig skapast óeining, sundrung. Hann fór snemma í framboð fyrir Vinstri græna í sinni heimasveit, Dalabyggð. Eftir stutta dvöl á þingi þá  klauf hann Vinstrið og gekk í afturhaldið Framsókn. Hætti síðan í pólitík og byrjaði aftur í Skagafirði eftir að hafa verið gerður brottrækur úr pólitík í eigin heimsveiti. Núna vilja Skagfirðingar hann ekki. Þá er viðbragðið að halda til Reykvíkur og sjá hvort að eftirspurn sé eftir sundrungaraflinu í höfuðstaðnum.

Ásmundur Einar sýnir þarna dómgreindarleysi af stærðargráðu sem ekki hefur sést áður. Alla vega ekki síðan að Dabbi hélt að hann yrði kosinn forseti landsins. Ásmundur Einar hefur haldið fátækum niðri. Öryrkjar hafa orðið illa fyrir barðinu á fantaskap hans. Fólkið hefur þurft að bera blóðuga gaddaól sultarins allt kjörtímabilið því Ásmundur segir alltaf nei. Hann er nefnilega þeirrar gerðar að ráðast á garðinn þar sem hann er allra lægstur. Jafnvel alveg niður við malbikið. Þessa pólitík ætlar Ásmundur að selja Reykvíkingum í haust. Þetta verður fýluferð ef ég þekki lundarfar Reykvíkinga.

Þú gætir haft áhuga á þessum

Hættu við framboð Ásmundur Einar, Reykjavík stendur fyrir annað og betra.

Þegar Ásmundur hætti tímabundið í pólitík þá tók hann, eiginkona hans og faðir við stærsta kúa- og nautgripabúi landsins, Þverholtabúið á Mýrum í Borgarnesi. Sögu búsins rakti ég í þessari grein Ráðherra í samkrulli við Kaupfélag Skagfirðinga?. Ég hvet ykkur til að lesa greinina, jafnvel aftur því margir hafa lesið hana. Í henni er rakin svakaleg sukk saga. Svínaríið hélt áfram eftir að Ásmundur Einar varð ráðherra með blessun Katrínar Jak og Vinstri grænna.

Á sama tíma og öryrkjum er haldið niðri þá hefur Þverholtabúið þegið ríkisstyrki upp á hunduð milljónir króna. Tvískinnungur Ásmundar Einars er einstakur í nútímasögu landsins. Uslinn sem fjölskylda hans hefur valdið kom illa við pyngju annarra bænda og neytenda á landinu í formi hærra vöruverðs. Í kringum Þverholtabúið þá kom upp fréttaflutningur hjá DV og Kvennablaðinu að fjölskylda Ásmundar hafi verið viðriðin launaþjófnað. Búið var vænt um að greiða laun undir umsömdum launatöxtum. Sú frétt hefur ekki verið hrakin.

Skrautleg viðskiptasaga fjölskyldu Ásmundar Einars er ekki bundin við Þverholtabúið. Öll sagan er rakin í þessari grein hér Að vera með tangarhald á ráðherra!. Reykvíkingar vilja ekki sukkara inn á þing. Og borgin er ekki óvistvæn móttökustöð ribbalda, óhreinlyndis eða yfirgangsseggja. Hættu við framboð Ásmundur Einar, Reykjavík stendur fyrir annað og betra.


Auglýsing

Tengdar fréttir sem þú gætir haft áhuga á að lesa: