- Advertisement -

Þessi Helgi Ingólfur

Hann fær þá aðrar 140 milljónir króna eftir eitt ár í starfi við Hæstarétt Íslands kjósi hann það.

Jóhann Þorvarðarson skrifar:

Ég hef ekki fengið fréttir af því að Helgi Ingólfur Jónsson hæstaréttardómari hafi dregið brotthvarf sitt frá Hæstarétti til baka nú þegar hann er orðinn 65 ára. Vegna efnahagserfiðleika sem steðjar að þjóðinni vegna veirufaraldursins hefði verið snjallt ef hann hefði tafið brotthvarf sitt þó ekki væri nema í 2-3 ár til að sýna samstöðu með þjóðinni á þessum erfiðu tímum. Nú eru tugþúsundir landsmanna að lenda á atvinnuleysisskrá og þjóðin þarf á öllu sínu fjármagni að halda til að koma þjóðarskútunni aftur á flot. Nei, Helgi Ingólfur labbar bara hraustur til vinnu út með 140 milljónir króna sem hann fær úr ríkissjóðnum okkar.

Búast má við því að annað lubbamenni verði skipað í dómarasæti í staðinn fyrir Helga Ingólf. Þar á ég við hann Davíð Þór Björgvinsson Landsréttardómara. Hann er 64 ára og getur einnig hætt við 65 ára aldur eða eftir eitt ár. Hann fær þá aðrar 140 milljónir króna eftir eitt ár í starfi við Hæstarétt Íslands kjósi hann það. Samtals eru þetta 280 milljónir króna sem þjóðin þarfnast til að greiða fólki atvinnuleysisbætur. Miðað við núverandi atvinnuleysisbætur þá er hægt að borga 800 manns bætur í einn mánuð fyrir þessa peninga!

Þú gætir haft áhuga á þessum

Tengdar fréttir sem þú gætir haft áhuga á að lesa: