- Advertisement -

Þingflokkur Viðreisnar er klofinn

Já, og allir með tölu slepptu því alveg að taka þátt í umræðu um seinna málið. Þvílíkur heigulsháttur.

Jóhann Þorvarðarson skrifar:

Tvö stór grundvallarmál voru til meðferð í þingstubbnum núna í byrjun mánaðarins. Annars vegar var afgreiðsla á ríkisábyrgð til Icelandair Group. Og hins vegar var það breyting á lögum um lífeyrissjóði, sem heimilar sjóðunum að gera viðskipti með kaup-valrétti (rúlletta). Þingflokkur Viðreisnar klofnaði í báðum málum við lokaafgreiðslu málanna. Jón Steindór Valdimarsson var samþykkur og virða má hann fyrir að taka afstöðu í stað þess að fara í felur með sínar skoðanir. Hinir þrír þingmennirnir: Hanna Katrín, Þorbjörg Sigríður og formaðurinn Þorgerður Katrín skiluðu bara auðu, tóku ekki afstöðu. Ekkert þeirra tók til máls þegar seinna málið var til umræðu á Alþingi. Hvers konar pólitík er það að sitja hjá og gefa ekki upp sína skoðun með formlegum hætti. Það er ekki hægt að taka svona stjórnmálamenn alvarlega. Á ögurstundu þá er bara sagt pass, ekki benda á mig.

Samfylking er ekkert betri, allir þingmenn flokksins slepptu því bara að greiða atkvæði í báðum málum. Já, og allir með tölu slepptu því alveg að taka þátt í umræðu um seinna málið. Þvílíkur heigulsháttur.

Þú gætir haft áhuga á þessum

Auglýsing

Tengdar fréttir sem þú gætir haft áhuga á að lesa: