Eitthvað er í ólagi við stjórn stofnunarinnar og þarfnast það skoðunar.
Jóhann Þorvarðarson skrifar:
Í þessari grein hér „Er Margrét Hauksdóttir forstjóri Þjóðskrár með fordóma gagnvart óíslenskum börnum?“ sagði ég ykkur frá því hvernig þriðji aðili gat flutt lögheimili þriggja íslenskra ríkisborgara úr landi án þess að sýna fram á skriflegt umboð eða heimild til þess. Eftir mikið stapp, aðkomu lögfræðinga og skrif á Miðjuna þá hafa mistökin loksins verið viðurkennd og lögheimilisflutningurinn bakfærður. Augljóst má vera að ekki er hægt að taka því sem gefnu að farið sé að landslögum hjá Þjóðskrá. Eitthvað er í ólagi við stjórn stofnunarinnar og þarfnast það skoðunar.