- Advertisement -

Tjáning letingjans og kljúfarans

Jóhann Þorvarðarson skrifar:

Núna eru Samtök atvinnulífsins klofin í herðar niður þegar 400 fyrirtæki eru að ganga út. Og Þorsteinn hefur ekki tjáð sig opinberlega um það.

Efling:

Losa stéttarfélagið við afganga Sigurðar Bessasonar því grafið var jafnt og þétt undan Sólveigu og Viðari.

Þorsteinn Víglundsson gat ekki setið á sér. Réðst með lágkúru og ósannindum að Sólveigu og Viðari þegar þau tilkynntu afsögn. Þau höfðu nefnilega sigur gegn Samtökum atvinnulífsins og fleiri viðsemjendum við gerð kjarasamninga. Náðu frábærum árangri.

Samtökin voru eitt sinn undir forystu Þorsteins. Eða áður en hann tók sæti á Alþing eftir að hafa tekið þátt í að kljúfa Sjálfstæðisflokkinn. Af Alþingi flúði Þorsteinn vegna áhrifa- og dugleysis. Nennti ekki að vera óbreyttur þingmaður, hafði ekki baráttuþrek. Sveik eigin kjósendur til að fullnægja eigin sérhagsmunum. Núna eru Samtök atvinnulífsins klofin í herðar niður þegar 400 fyrirtæki eru að ganga út. Og Þorsteinn hefur ekki tjáð sig opinberlega um það. Nei honum finnst meiri bragur á því að ráðast á forystufólk launþega sem lifir við hungurlús.  Vitað er að Efling og fyrirrennarar þess var orðið að nátttrölli í íslenskri kjarabaráttu. Forystu Sigurðar Bessasonar og annarra skrælingja var vel þokkuð hjá Samtökum atvinnulífsins. Og ekki af ástæðulausu. Baráttan fyrir bættum kjörum var orðin að sýndarmennsku, hagur lægst launaða fólksins var aukaatriði. Á sama tíma var fúslega tekið við félagsgjöldum láglaunafólksins. Skrælingjarnir vildu bara sjúga spena fólksins sem heldur hagkerfinu gangandi. Það var því orðið tímabært að skörungar og kempur tækju við forystukefli Eflingar. Efling var heppið að fá Sólveigu og Viðar til starfa, en þau voru óheppin að hafa moldvörpuna Guðmund Baldursson innanborðs í stjórn. Manninn sem kemur fram í Kastljósi og lýgur upp á samstjórnarmenn.

Þú gætir haft áhuga á þessum

Ný forysta Eflingar gerði þau mistök að spúla ekki dekkið hratt og vel. Losa stéttarfélagið við afganga Sigurðar Bessasonar því grafið var jafnt og þétt undan Sólveigu og Viðari. Innanhúss þá var Sólveigu meira að segja hótað ofbeldi. Gamla skrælingjaklíkan sætti sig ekki við nýja tíma. Vonandi sækir Sólveig aftur eftir  formennsku og ryður hyskinu í burtu í eitt skipti fyrir öll. Árangursrík kjarabarátta er mikilvægari en  liðleskjur og moldvörpur.


Auglýsing

Tengdar fréttir sem þú gætir haft áhuga á að lesa: