Jóhann Þorvarðarson skrifar:
Þetta er jafn geggjuð skipun og þegar Davíð Oddsson var gerður að seðlabankastjóra. Honum tókst fyrstur Íslendinga að setja Seðlabankann á hausinn með ritun verðlausra ástarbréfa og með því að gefa Kaupþing banka gjaldeyrisforða landsins.
Myndin sýnir uppsafnaða verðbólgu á Norðurlöndum síðan ritþjófurinn Ásgeir Jónsson var skipaður seðlabankastjóri á Íslandi í ágúst 2019.
Gul súla Íslands er meira en helmingi hærri en þær dönsku og sænsku. Og hún er helmingi hærri en sú finnska. Að baki geipilegum mun eru engin náttúrulögmál heldur rangar greiningar og skortur á spáhæfni ákvarðanataka hjá Seðlabanka Íslands. Stjórnstöð bankans er biluð.
Frumábyrgð verðbólgunnar liggur hjá forsætisráðherra og Vinstri grænum enda skipaði hún Ásgeir Jónsson sem seðlabankastjóra. Manninn sem á ekki erindi í starfið. Þetta er jafn geggjuð skipun og þegar Davíð Oddsson var gerður að seðlabankastjóra. Honum tókst fyrstur Íslendinga að setja Seðlabankann á hausinn með ritun verðlausra ástarbréfa og með því að gefa Kaupþing banka gjaldeyrisforða landsins. Sjálfum bankanum sem Ásgeir Jónsson tók þátt í að setja á hausinn.
Nú dugar ekkert annað en að endurræsa og endurstilla Seðlabankann og forsætisráðuneytið, aftur. Núna með fólki sem býr yfir hæfni því stjórnstöðin er úr lagi gengin.