Jóhann Þorvarðarson skrifar:
„Hella draslinu yfir þjóðina í þjónkun við hagsmuni átta prósents hagkerfisins.“
Hinn ómarktæki leigupenni Fréttablaðsins, Hörður Ægisson, þykir vænt um trúðabúninginn. Klæðist honum þegar þarf að reka sérhagsmuni. Upplýsir ekki að hann sé hluthafi í fyrirtækjum sem hann fjallar reglulega um. Lætur í veðri vaka að hann sé að skrifa á faglegum og hlutlausum nótum blaðamannsins þegar hann er í raun að skrifa upp verðgildi eigin hlutabréfasafns. Vegna ógagnsærrar hegðunar Harðar þá ályktaði formaður blaðamannafélagsins nýlega að Hörður hafi brotið gegn siðareglum blaðamanna.
Í nýjasta pistlinum þá klæðist Hörður klæðamiklum trúðabúning og lekur hvítt meikið af andliti hans. Tekur hann þar upp óábyrg skrif Moggans fyrir óheftum innflutningi deltaveirunnar. Trúðurinn sleppir aftur á móti alveg að upplýsa að Helgi Magnússon sem borgar honum fyrir skrifin er hluthafi í Bláa lóninu. Hann á því mikla fjárhagslega hagsmuni af óábyrgum landamærum.
Þessi tvö áróðursblöð hafa ekkert fjallað um nýtt veiruafbrigði sem dreifist nú hratt um Suður Ameríku. Gengur það undir nafninu lambdaveiran. Veira sem er að nema ný lönd. Skaut hún til dæmis upp kollinum nýlega í Texas í Bandaríkjunum. Frumrannsóknir hjá Háskóla í Síle sýna að veiran smitist hraðar en deltaafbrigðið og hafi meira viðnám. Áróðursblöðin tvö hafa ekki áhyggjur af þessu og vilja bara fella allar varnir niður. Hella draslinu yfir þjóðina í þjónkun við hagsmuni 8 prósents hagkerfisins. Skítt með hin 92 prósentin segja óábyrgir menn eins og Hörður.