- Advertisement -

Trúir einhver Kristjáni Þór ráðherra?

…ráðherrann óð bara óboðinn inn í fundarherbergi Samherja í Katrínartúni.

Jóhann Þorvarðarson skrifar:

Kristján Þór Júlíusson sjávarútvegsráðherra segir að eintóm tilviljun hafi ráðið því að hann hafi verið staddur á skrifstofu Samherja um leið og opinberir mútuþægir erindrekar frá Namibíu. Ráðherrann hefur einnig sagt að það sé rangt að hann sé reglulegur gestur á skrifstofu Samherja. Þannig að það var með ólíkindum að hann hitti á þessa óþokka. Svo hefur ráðherrann líka sagt í skriflegu svari til Stundarinnar „ég minnist þess ekki að Þorsteinn Már hafi kynnt mig fyrir umræddum mönnum“.

Sem sagt, ráðherrann óð bara óboðinn inn í fundarherbergi Samherja í Katrínartúni þar sem þrír menn frá Namibíu sitja ásamt Þorsteini Má og uppljóstraranum Jóhannesi Stefánssyni. Tekur óumbeðið í spaðann á gestunum og spjallar í heilar tíu mínútur um ekkert. Þetta var svona hæ bæ hittingur.

Þú gætir haft áhuga á þessum

Bara alls ekkert.

Auðvitað var Kiddi ráðherra að gera Steina vini sínum greiða. Kiddi var að skapa velvild (goodwill) í garð Steina. Setja smurningu á samningshjólin. Hjálpa Steina að undirbúa jarðveginn fyrir milljarða mútur Samherja og arðrán í Namibíu. Eða hvað, ég hef örugglega rangt fyrir mér er það ekki herra ráðherra?

Og úr því að þessir óþokkar líta alveg eins út og Íslendingar þá spurði ráðherrann ekkert um þá. Bara alls ekkert. Þeir vöktu ekki athygli hans vegna þess að Kiddi ráðherra er ekki forvitinn maður. Hann vissi bara ekkert um þessa menn fyrr en eftir að Kveikur, Stundin og WikiLeaks upplýstu málið.

Hann sagði svo í viðtali á RÚV að hann sé ekkert alltaf að heilsa mönnum sem á leið hans verð. En af hverju urðu þessir menn fyrir valinu og þá sérstaklega vegna þess að þeir sátu inn í lokuðu fundarherbergi. Þessi hæ bæ hittingur var ekki án ástæðu er það Kristján Þór? Svo þaut ráðherrann út eins og vindurinn.

Á meðan á þessum óvænta hitting stóð þá notaði Steini forstjóri þetta óvænta dauðafæri og kynnti Kidda ráðherra sem sinn mann í ríkisstjórn Íslands segir uppljóstrarinn!

Jæja Kiddi, er ekki kominn tími á breytingar hjá þér? Færð örugglega gott starf hjá Samherja. Þar ertu á heimavelli í menningu sem þú þekkir svo vel.


Tengdar fréttir sem þú gætir haft áhuga á að lesa: