- Advertisement -

Tvöfalt harakírí í uppsiglingu

Jóhann Þorvarðarson skrifar:

Þessi yfirlýsing er á leiðinni á hauganna og tvöföld kviðrista staðreynd. Eitthvað sem engum í heimssögunni hefur tekist.

Svandís Svavars kallar árangur Vinstri grænna í kosningunum stórkostlegan. Töpuðu þremur þingsætum og 4,3 prósentustigum af sínu fylgi frá 2017. Eða eitt prósentustig á ári. Sjálfseyðingarhvötin heldur áfram ef VG fara í ríkisstjórn með Sjálfstæðisflokknum. Varaformaðurinn Mummi, sem fagnaði útreiðinni eins og heimsmeistari á kosningavöku í Iðnó, sagði fyrir kosningar að atkvæði greitt VG væri atkvæði greitt vinstri stjórn. Þessi yfirlýsing er á leiðinni á hauganna og tvöföld kviðrista staðreynd. Eitthvað sem engum í heimssögunni hefur tekist.

Samfylkingin tapaði 2,2 prósentum og einum þingmanni. Þökk sé að taka flokkslýðræðið úr sambandi og færa þreyttri flokksklíku völdin. Framboð Kristrúnar breytti engu hjá lokaða einkaklúbbnum! Gamla vonarstjarnan, Helga Vala Helgadóttir, hlýtur að stíga til hliðar og hleypa Jóhanni Páli að. Fylgið í Reykjavík norður minnkaði frá kosningunum 2017 og verða skilaboðin vart skýrari.

Eitthvað fór úrskeiðis hjá Sósíalistaflokknum. Líklega var mannvalið ekki nógu heillandi, skorti kjörþokka. Píratar hljóta að fara í naflaskoðun, komu illa undirbúnir til kosninga. Kunna ekki að reikna. Og Viðreisn þarf trúverðugri formann. Fær ekki nema 8 prósent fylgi á meðan Framsókn skautar með himinskautum. Nartar í hæla Sjálfstæðisflokksins, sem heldur áfram að minnka undir forystu Bjarna Ben. Nýr formaður hlýtur að verða kosinn á næsta landsþingi Sjálfstæðismanna.

Þú gætir haft áhuga á þessum

Auglýsing

Tengdar fréttir sem þú gætir haft áhuga á að lesa: