- Advertisement -

Umsátrið um Ísland: Vinstri græn, Framsókn, lögmenn steinþegja!

Einstaklega ósmekkleg misnotkun á æðsta dómstól landsins.

Jóhann Þorvarðarson skrifar:

Sjálfstæðisflokkurinn með Moggann sér við hlið vill ekki mæta örlögum Sigríðar Andersen fyrrverandi dómsmálaráðherra með reisn og út frá hagsmunum þjóðarinnar. Örlög sem Sigríður skapaði sér hjálparlaust þegar hún sérvaldi 4 dómara inn í Landsrétt sem voru henni þóknanlegir þvert á niðurstöður hæfisnefndar. Þar á meðal er eiginkona Brynjars Níelssonar þingmanns Sjálfstæðisflokksins. Frekar en að reyna að byggja upp traust til dómstóla í landinu sem er hverfandi þá er ráðist gegn Mannréttindadómstól Evrópu (MDE) með ómálefnalegum og afar grófum hætti í ræðu og riti. Þetta er farið að líkjast ansi mikið ráðstjórnarríki hér á Íslandi.

Ekki endar þetta hér því 100 ára afmæli Hæstaréttar var misnotað til að níða skóinn undan MDE. Einstaklega ósmekkleg misnotkun á æðsta dómstól landsins.

Þú gætir haft áhuga á þessum

Sjálfstæðisflokkurinn og málgagnið vita sem er að efri deild MDE mun staðfesta dóm undirréttar ef ekki herða á dómnum. Það er meira en flokkurinn þolir. Sjálfstæðisflokkurinn á nefnilega dómskerfið með húð og hári. Þetta er einkaeign flokksins!

Á meðan á þessari ófrægingarherferð stendur heyrist ekki múkk frá Katrínu Jak eða Sigurði Inga! Forn málsháttur segir að þögn sé sama og samþykki. Sjálfstæðisflokkurinn er að ráðast að einni af grunnstoðum Íslenska lýðveldisins og forsætisráðherra er hljóður á meðan og Samgönguráðherra er þögull sem gröfin. Hvað er eiginlega í gangi í landinu?

Og aumingjans lögmenn landsins þora ekki að tjáð sig vegna þess að þeir eiga sjálfir svo mikið undir jákvæðu viðhorfi dómara í þeirra garð vegna sinna skjólstæðinga. Dómarar hafa nefnilega sýnt það í verki að þeir dæma ekki endilega eftir lögunum þó þeim beri lagaskylda til. Dæmin sanna það! Margir lögmenn sitja bara múlbundnir á sínum skrifstofum og naga sig í handarbökin. Ég ákalla lögmenn að sýna kjark og tjá sig um árásirnar á þessa stoð íslensks réttarríkis!

Já, og hvar eru fræðimennirnir sem þjóðin þarf núna á að halda? Koma svo!


Auglýsing

Tengdar fréttir sem þú gætir haft áhuga á að lesa: