- Advertisement -

Útsendari Samherja kemur nakinn fram

Jóhann Þorvarðarson skrifar:

„Núna á að rústa heilbrigðiskerfinu, græða skal á veikindum fólks og kalla það nýsköpun. Mig verkjar af hlátri!“

Varaformaður Samherjaflokksins kemur allsber fram þessa dagana. Þórdís Kolbrún Gylfadóttir leynir því ekki að flokkurinn vill grafa enn meira undan innviðum þjóðarinnar svo helreið einkavinavæðingar geti hafist.

Í auglýsingum segir Þórdís Kolbrún að beita skuli sjónhverfingum til að útrýma biðlistum í heilbrigðiskerfinu. Blekkingin heitir skattalækkun þar sem hinir ríku fá mest, borga helst enga skatta. Allir vita að hin hliðin á peningnum er niðurskurður og upptaka gjalda hjá þeim sem þarfnast heilbrigðisþjónustu hverju sinni. Þjóðin hefur hafnað þessu. Samt ætlar útsendari Samherja að moka undir einkavini flokksins með því að nýta sér heilsuneyð fái hún til þess kosningu.

Samherjakonan segir að efla skuli nýsköpun. Á sama tíma leggur hún niður Nýsköpunarmiðstöð Íslands og Rannsóknarstofu byggingariðnaðarins á tímum myglufaraldurs. Húsnæði landsmanna á víst bara að grotna niður og nýbyggingar að vera af aumlegum gæðum. Það leiðir auðvitað til heilsuleysis og þá verður meira að gera hjá einkavinum sem taka eiga yfir heilbrigðisþjónustuna. Þetta er svona ný útgáfa af stefnunni að græða á daginn og grilla á kvöldin. Í byrjun aldarinnar þá var bönkunum rústað á mettíma og fjölskyldur flosnuðu upp. Núna á að rústa heilbrigðiskerfinu, græða skal á veikindum fólks og kalla það nýsköpun. Mig verkjar af hlátri!

Þú gætir haft áhuga á þessum

Tengdar fréttir sem þú gætir haft áhuga á að lesa: