- Advertisement -

Valhallarfrelsið skerðir frelsið

Jóhann Þorvarðarson skrifar:

„Í þjónkun við þrönga sérhagsmuni einungis átta prósent landsmanna þá barðist flokkurinn fyrir og fékk í gegn óheftan innflutning deltaveirunnar.“

Þumbast bara áfram í frekju.

Sjálfstæðisflokkurinn er flokkur ábyrgðarleysis í frelsismálum. Í þjónkun við þrönga sérhagsmuni einungis átta prósent landsmanna þá barðist flokkurinn fyrir og fékk í gegn óheftan innflutning deltaveirunnar. Baráttan var sett í búning frelsishugsjónar og þeirrar ranghugmyndar formanns flokksins að Ísland hafi öðlast samkeppnisforskot með tilkomu kóvít-19 veirunnar. Veldisfjölgun smita staðfestir að viðhorf formannsins um meint forskot er óhaldbært og endurspeglar alvarlegt dómgreindarleysi.

Í blindri græðgi þá hefur flokkurinn aldrei skilgreint frelsið, hvar það byrjar og hvar það endar. Þumbast bara áfram í frekju hinna fáu gegn heildarhagsmunum landsins. Innflutningsfrelsið leiðir nú smátt og smátt til aukinnar skerðingar daglegs lífs. Er nú svo komið að landsmenn sjálfir og fyrirtæki eru farin að grípa sjálf inn í með meiri sóttvörnum en ríkisstjórnin fer fram á. Lang stærsti hluti þjóðarinnar styður einfaldlega ekki hringlanda og ábyrgðarleysi ríkisstjórnarinnar.

Þú gætir haft áhuga á þessum
Magnús Geir Þórðarson.
Í samhenginu þá er það óábyrgt og eigingjarnt af hinum innmúraða Sjálfstæðismanni og þjóðleikhússtjóra, Magnúsi Geir Þórðarsyni, segja að stjórnendur leikhúsa og tónlistarhúsa vilji að menningarhús verði opnuð upp á gátt og án umgegnistakmarkana.

Ef til dæmis skólahald raskast vegna yfirgangs smita og tilheyrandi veikinda hjá ungdóminum þá mun það hafa vond áhrif á allt atvinnulíf landsins og umsvif hagkerfisins minnka. Í samhenginu þá er það óábyrgt og eigingjarnt af hinum innmúraða Sjálfstæðismanni og þjóðleikhússtjóra, Magnúsi Geir Þórðarsyni, segja að stjórnendur leikhúsa og tónlistarhúsa vilji að menningarhús verði opnuð upp á gátt og án umgegnistakmarkana. Síðan reynir hann að breiða yfir ósómann með því að fullyrða að allur almenningur sé sammála vitleysunni í honum. Magnús Geir er augljóslega ekki í jafnvægi né með á nótunum hvað er í gangi í þjóðfélaginu. Fólk vill óraskað daglegt líf en ekki greiða fyrir það hvaða verði sem er. Fólk setur góða heilsu framar öllu. Græðgi Magnúsar Geirs skákar hér engu.

Ef ríkisstjórnin hefði ekki leyft óheftan innflutning á deltaveirunni í nafni óskilgreinds frelsis þegar skimun á landamærum var hætt þá væri daglegt líf að mestu óraskað. Í staðinn þá fer veiran um landið í trylltri gandreið.


Tengdar fréttir sem þú gætir haft áhuga á að lesa: