Og nú er Rósa Björk þingmaður líka farin, en Andrés Ingi yfirgaf flokkinn fyrir skömmu.
Katrín Baldursdóttir skrifar:
Fylgjendur Vinstri grænna eru ósáttir við sinn flokk vegna framgöngunnar í máli egypsku fjölskyldunnar. Ekki bara almennir fylgjendur heldur líka framlínufólkið. Og nú er Rósa Björk þingmaður líka farin, en Andrés Ingi yfirgaf flokkinn fyrir skömmu. Eins og fleirum ofbýður Rósu Björk framgöngu flokksins í máli egypsku fjölskyldunnar. Það virðist hafa verið punkturinn yfir i-ið hjá Rósu en hún hefur stutt ríkisstjórnina með semingi frá upphafi. „Á þeim þremur árum sem VG hefur setið í ríkisstjórn hefur lítið sem ekkert miðað í átt að móta hér nýja stefnu í málefnum innflytjenda og hælisleitenda eða að fylgja mannúðarsjónarmiðum í málaflokknum, sem er þó það sem ríkisstjórnin lofaði. Það er mjög miður,“ segir Rósa.
