- Advertisement -

Willum og Bjarni Ben múta Landspítalanum

Að kjósa Willum Þór og Bjarna Ben er ávísun á áframhaldandi niðurrif innviða eins og Landsspítalans.

Jóhann Þorvarðarson skrifar:

Stjórnmálin taka á sig sífellt daprari ásjónu þrátt fyrir yfirlýsingu stjórnarsáttmálans um að nú eigi að ávinna sér virðingu landsmanna. Núna er mútur orðnar tæki ríkisstjórnarinnar til að fela raunveruleikann. Formaður fjárlaganefndar, Framsóknarmaðurinn Willum Þór Þórsson, var í viðtali hjá litlu dagblaði, Mogganum. Þar sagði hann að búið sé að semja við Landspítalann um að taka uppsafnað tap, sem er á fjórða milljarð króna, út fyrir sviga. Það ku hafa verið ákveðið í nánu samstarfi Willums og Bjarna Ben fjármálaráðherra. Gjörningurinn er með því ósmekklega skilyrði að ef spítalinn rekur sig innan fjárheimilda á næstu þremur árum að þá muni tapið verða afskrifað endanlega. Þetta er ný leið að einkavæðingu spítalans.

Allir vita að Landspítalinn er vanfjármagnaður öllum stundum og illa undir það búinn að mæta einhverju óvæntu eins og heimsfaraldri. Í stað þess að kalla hlutina sínu rétta nafni um að búið sé að setja risavaxna niðurskurðarkröfu á spítalann að þá er það klætt í búning sem kallaður er gulrót. Þetta er svo mikið fals að það hálfa þætti of mikið. Landsmenn eru ekki búnir að gleyma því að þessi sami Willum Þór kom fram í Kastljósi ekki löngu fyrir faraldurinn  og sagði að ekki væru auka peningar til handa spítala allra landsmanna. Svo þegar faraldurinn skall á þá bara úpsí deisý, fullt að peningum til að verja hlutafé fína fólksins. Enginn peningur til að kaupa öndunarvélar og aðföng fyrir spítalann. Gott er að hafa þetta í huga í kosningunum í haust. Að kjósa Willum Þór og Bjarna Ben er ávísun á áframhaldandi niðurrif innviða eins og Landsspítalans. Vinstri græn breyta þar engu enda aukahjól undir vagni sérhagsmuna. Katrín og Svandís hvað?

Þú gætir haft áhuga á þessum

Auglýsing

Tengdar fréttir sem þú gætir haft áhuga á að lesa: