- Advertisement -

Willum Þór Þórsson með 2,3%

Bóndinn situr einnig í forsætisnefnd með Willum Þór.

Jóhann Þorvarðarson skrifar:

Framsóknarmaðurinn og fulltrúi bænda hann Willum Þór Þórsson er valdamesti óbreytti þingmaðurinn á Alþingi. Hann er formaður fjárlaganefndar sem ræður talsvert í hvað ríkistekjurnar fara. Hann situr líka í forsætisnefnd og er síðan einn af varaforsetum Alþingis. Að baki honum eru bara 2,3% kjósenda.

Varaformaður fjárlaganefndar er síðan stórbóndinn Haraldur Benediktsson með 2,2% kjósenda sér að baki. Bóndinn situr einnig í forsætisnefnd með Willum Þór. Síðan situr bóndinn í stjórn Fjarskiptasjóðs sem útdeilir miklum peningum til hinna dreifðu byggða (lesist bænda) í verkefninu Ísland ljóstengt.

Þú gætir haft áhuga á þessum
Samtals eru þessir tveir valdakarlar með 4,5% kjósenda sér að baki.

Samtals eru þessir tveir valdakarlar með 4,5% kjósenda sér að baki. Þetta kallast óeðlileg samþjöppun á valdi sem ekkert hefur verið rætt um.

Óhætt er að slá því föstu að bændur kunni þá list betur en aðrir að koma sínu fólki fyrir á réttu stöðunum til verndar sínum sérhagsmunum.

Í ljósi mikilla valda Willums Þórs og hárra launa má gera miklar kröfur til hans um vönduð vinnubrögð. Í þessu sambandi var því einkennilegt að sjá formanninn koma af fjöllum þegar ríkissjóður þurfti að veita Íslandspósti peningagjöf upp á 1,5 milljarð. Síðan stóð formaðurinn aftur á gati þegar hann gat ekki útskýrt fyrir þingheimi afskrift á skattkröfum upp á 17 milljarða sem finna má í fjárlagafrumvarpinu. Samtals eru þetta 18,5 milljarðar sem bara sigla fram hjá formanninum. Hvað er Willum Þór eiginlega að gera í vinnunni, slóra?


Booking.com

Tengdar fréttir sem þú gætir haft áhuga á að lesa: