- Advertisement -

Willum Þór vill aukinn sparnað og aðhald á Landsspítalanum!

  • Vill Willum Þór skilgreina fyrir okkur hinum hvaða hann á við með orðinu manngildi og hver verðmiðinn er á einu mannslífi?

Jóhann Þorvarðarson skrifar:

Í viðtölum á síðasta ári sagði framsóknarmaðurinn og formaður fjárlaganefndar Alþingis að hann vilji sjá aukinn sparnað og aðhald hjá Landsspítalanum. Í áramótagrein Willums segir á einum stað „Manngildi ofar auðgildi“. Allir þekkja hörmungar ástand Bráðadeildar spítalans og nýlegt dauðsfall. Þeir sem bera ábyrgð á rekstrinum vara stöðugt við að mikil hætta er á ferðum. Nú hafa vaktstjórar hjúkrunar bráðadeildar Landsspítala lýst yfir alvarlegum áhyggjum um ástandið og segja um neyðarástand að ræða. Már Kristjánsson segir að stórslys geti verið í aðsigi á deildinni!

Samt vill Willum Þór meiri sparnað og meira að halda. Hann er búinn að hanna svo flotta fjármálaáætlun í Excel sem hann dýrkar, hún verður að ganga upp hvað sem tautar og raular.   Hvað ætli margir þurfi að deyja ótímabærum dauðdaga til að sparnaðaráform Willums Þórs nái fram að ganga? 

Vill Willum Þór skilgreina fyrir okkur hinum hvaða hann á við með orðinu manngildi og hver verðmiðinn er á einu mannslífi?