Tveir flugvellir, Akureyri og Egilsstaðir, verði viðurkenndir fyrir flug til og frá dreifbýli með skýrri aðgreiningu frá innanlandsflugi.
Ragnar Önundarson skrifar:
Spontant hugmynd, viðbætur og lagfæringar óskast. Legg til að eftirfarandi leið verði skoðuð vandlega, til að styðja við ferðaþjónustuna: Landinu verði formlega skipt í tvö sóttvarnarsvæði, þéttbýli og dreifbýli utan allra þéttbýliskjarna. Tveir flugvellir, Akureyri og Egilsstaðir, verði viðurkenndir fyrir flug til og frá dreifbýli með skýrri aðgreiningu frá innanlandsflugi. Seyðisfjarðarhöfn yrði líka komustaður fyrir dreifbýlið. Keflavíkurflugvöllur þjóni aðeins þéttbýlinu. Leitað verði viðurkenningar annarra landa á þessu, svo ferðamenn þurfi ekki að fara í sóttkví við heimkomu.Allir verði prófaðir fyrir Kóvíd við komu til landsins, eins og verið hefur að undanförnu, og hlaði niður appinu, en dreifbýlið verði allt viðurkennt sem sóttkví. Starfsfólk gististaða í dreifbýli þurfi að undirgangast sérstakar reglur ef það sækir vinnu sína úr þéttbýli.