Hvalur stundaði ekki hvalveiðar árið 2024 og ekki heldur á þessu ári, þrátt fyrir að Bjarni Benediktsson hafi gefið út leyfi til veiða á langreiðum til Hvals til fimm ára.
Viðskiptablaðið.
„Umdeild frestun Svandísar Svavarsdóttur, þáverandi matvælaráðherra, á hvalveiðum degi áður en Hvalur áætlaði að hefja hvalveiðar sumarið 2023 skýrir væntanlega þennan mikla sölusamdrátt. Í lok ágúst sama ár setti Svandís aftur á móti reglugerð um hvalveiðar með ströngum skilyrðum. Í skýrslu stjórnar í ársreikningi Hvals segir að vertíðin 2023 hafi hafist í september, staðið í 24 daga og jafn margar langreyðar veiðst. Vertíðin var því umtalsvert styttri en hefðbundin vertíð,“ segir í Viðskiptablaðinu.
„Í byrjun árs 2024 gaf umboðsmaður Alþingis út álit vegna kvörtunar Hvals um frestunina þar sem m.a. kom fram að frestun upphafs hvalaveiða hafi ekki átt sér nægilega skýra stoð í lögum um hvalveiðar.
Hvalur stundaði ekki hvalveiðar árið 2024 og ekki heldur á þessu ári, þrátt fyrir að Bjarni Benediktsson, sem þá var starfandi matvælaráðherra í starfsstjórn Sjálfstæðisflokks og Framsóknarflokks, hafi í desember í fyrra gefið út leyfi til veiða á langreiðum til Hvals til fimm ára.
Kristján Loftsson, framkvæmdastjóri Hvals, sagði í viðtali við Morgunblaðið sumarið 2024 – eftir að Bjarkey Olsen Gunnarsdóttir, þáverandi matvælaráðherra, hafði eftir langa umhugsun gefið út leyfi til hvalveiða út sama ár – að skammur fyrirvari og ófyrirsjáanleiki gerðu það að vonlausu verkefni að nýta leyfið.
„Þetta leyfi er gefið út í 204 daga. Ef ráðherrann vill drepa atvinnurekstur er þetta leiðin til þess. Fyrirsjáanleikinn er enginn og að halda að það sé hægt að setja í gang svona rekstur með engum fyrirvara er með ólíkindum,“ sagði Kristján ómyrkur í máli.
Í apríl sl. var svo greint frá því að Hvalur stefndi ekki á hvalveiðar í sumar.
Rekstrargjöld Hvals drógust líkt og gefur að skilja talsvert saman sökum þess að ekki var haldið til veiða árið 2024. Þannig drógust rekstrargjöld saman úr 5,2 milljörðum í 1,3 milljarða á milli rekstrarára.“
