Svartfugl: Stjórnmál, ungt fólk, menntun og Costco
- fjölbreyttar umræður í þætti kvöldsins. Sjö gestir verða hjá Sigurjóni.
Sunneva Björk Gunnarsdóttir og Viktor Orri Valgarðsson verða meðal gesta í Svartfugli í kvöld. Þau tala um húsnæðismál, laun, væntingar, barneignir, framtíðina, stjórnmálaþátttöku og annað sem brennur á þeirra kynslóð.
Launaþróun liðinna ára er unga fólkinu mjög óhagstæð, barnabætur eru aðrar og lægri en áður. Barneignum hefur einnig fækkað og hafa í raun aldrei verið eins fáar og nú.
Umræður dagsins verða með fjörugra móti. Þátttakendur verða Borgar Þór Einasson, aðstoðarmaður utanríkisráðherra, Erla Hlynsdóttir framkvæmdastjóri Pírata og Steinunn Gestsdóttir aðstoðarrektor Háskóla Íslands.
Í stjórnmálaumræðuna mæta tveir ágætir sem láta ekki sitt eftir liggja, Logi Einarsson og Páll Magnússon.
Svarfugl er á dagskrá Hringbrautar klukkan 21:00 og er á sama tíma sendur út á Miðjunni.
Stjórnandi er Sigurjón M. Egilsson.