Forsætisráðherra boðaði aðgerðir til að lífeyrissjóðir fjárfesti í grænum skuldabréfum.
Ragnar Þór Ingólfsson skrifar:
Davíð Þorláksson, forstöðumaður samkeppnishæfnisviðs Samtaka atvinnulífsins, sagði í viðtali á Sprengisandi 2. ágúst síðastliðinn.
„Ef það er þannig að atvinnurekendur eigi ekki lengur að fá að hafa áhrif á stjórnirnar, þá er það greinilega ekki lengur ætlast til þess að það sé hlutverk atvinnurekenda að sjá fólki fyrir lífeyrisréttindum. Ef þá á bara að borga en ekki hafa nein áhrif á hvernig þessu er stjórnað.. og passa upp á það nákvæmlega að þetta gangi áfram með þessum góða hætti.“
Má í því samhengi benda Davíð, sem er lögfræðingur, að 12% iðgjald í lífeyrissjóði er lögbundið en ekki kjarasamningsbundið.
Davíð hafnar því alfarið að sjóðfélagar fái að kjósa stjórnir sjóðanna og telur forsendur fyrir því að fyrirtækin greiði mótframlag í lífeyrissjóði standi og falli með því að SA skipi í stjórnir sjóðanna. Má í því samhengi benda Davíð, sem er lögfræðingur, að 12% iðgjald í lífeyrissjóði er lögbundið en ekki kjarasamningsbundið.
Einnig hefur Seðlabankastjóri þrýst á lífeyrissjóðina að fjárfesta ekki erlendis á meðan aðrir fjárfestar geta fjárfest að vild. Svo hefur forsætisráðherra boðað aðgerðir til að lífeyrissjóðir fjárfesti í grænum skuldabréfum.
Í hvaða lagaheimildir vísa ofangreindir aðilar, sem heimila afskipti þeirra af fjárfestingum lífeyrissjóða?
Stjórn VR skiptir út stjórnarmönnum sínum í LIVE fyrir að brjóta lög um vexti og verðtryggingu og vinna gegn peningastefnu seðlabankans með því að hækka vexti á meðan Seðlabankinn lækkaði.
Stjórn VR gefur út yfirlýsingu um að sjóðirnir fjárfesti ekki í félagi sem við teljum að hafi vanhæfa stjórnendur og brjóti gegn lögum um vinnudeilur og þeim siðferðisviðmiðum sem sjóðirnir sjálfir hafa sett.
Og allt fer á hliðina!
Rányrkjunni á eftirlaunasjóðum almennings verður að linna.
Það er alveg ljóst að með framgöngu stjórnar VR í málefnum lífeyrissjóðanna erum við komin inn að beinmerg spillingarinnar, miðað við ofsafengin viðbrögð sem við höfum mátt þola.
Á meðan valdamikil öfl í okkar samfélagi vilja hafa þetta eins og þetta hefur alltaf verið… „og gengið vel“. Við erum greinilega á hárréttri leið.
