Sjávarafurðir: Úlfar Hauksson skrifaði:
„Þessar tölur koma þeim sem eitthvað fylgjast með ekkert á óvart. ESB er auðvitað lang mikilvægasti markaður Íslands fyrir sjávarafurðir. Borgar langhæsta verðið og skilar þ.a.l. langmestu í íslenskt þjóðarbú. Þessi viðskipti halda m.ö.o. uppi lífskjörum á Íslandi. ESB kæmist leikandi af án þess að fá svo mikið sem sporð frá Íslandi.
En neytendur – einkum í Frakklandi og Belgíu – eru tilbúnir til að kaupa íslenskan fisk – fersk þorskhnakkastykki – dýrum dómi. Til Bretlands fer meira af sjófrystum fiski sem og óunnum fiski. Tollalækkun myndi að öllum líkindum auka enn vægi ESB í þessu grafi og auka þar með verðmæti íslenskra sjávarafurða og styrkja og bæta lífskjör hér á landi enn frekar.
ESB er og verður okkar mikilvægasti markaður. Lífskjör á Íslandi haldast í hendur við kaupmátt og lífskjör í Evrópu. Í þessu ljósi er gáleysislegur talsmáti – og allt að því draumórar – margra um að allt sé á vonarvöl í ESB – um hið „brennandi hús“ – kjánalegur og alvarlegur. Sem betur fer er kaupmáttur almennings í Evrópu með þeim hætti að hægt er að halda uppi góðum lífskjörum hér á landi. Önnur markaðssvæði eru kærkomin auka stærð en koma aldrei í staðin fyrir Evrópumarkað. Það segir sig sjálft.“
Pawel Bartoszek, formaður utanríkisnefndar Alþingis bætir við:
„Stærstu útflutningsmarkaðir okkar með sjávarafurðir eru ESB og Bretland. Með aðild:
Myndu allir tollar inn í ESB burt. Í dag nýtur einungis 68% útflutningsins þangað tollfrelsis. Yrði 100%.
Myndu allir tollar á fiski til Bretlands falla burt því fríverslunarsamningur Bretlands og ESB er víðtækari en sá sem Ísland og Bretland hafa gert sín á milli.
Markaðsaðgangur fyrir íslenskan fisk myndi sem sagt BATNA. Til viðbótar eru í dag meiri tollar á unninn fisk en óunninn svo hvatinn til að vinna meira hér á Íslandi yrði meiri með aðild.“
