Óútskýrð veikindi skipstjóra um nótt
Afbrot: Fékk í magann við lestur best skrifuðu glæpasögu seinni ára. Sem þó er sönn glæpasaga. Þar er allt. Óvandaðar löggur, múltímonní, ásakanir og reynt að drepa æru saklausra. Mögnuð saga.
Hallgrímur Helgason skrifaði betri inngang en ég er fær um að gera svo ég birti hér inngang Hallgríms:
„Takið ykkur endilega hálftíma til að lesa þessa litlu vel skrifuðu glæpasögu sem segir svo mikið um samfélagið okkar. Peningarnir flæða undir eins og kvika og fá alla til að hreyfa sig í rétta átt. Lögregluembættið á Akureyri var keypt sem og alþingismenn og lögfræðingar, almannatenglar og njósnarar. En læknar voru sem betur fer ekki til sölu og dómskerfið stóðst. Eftir liggur þó skaðað bæjarfélag og skaðaðir blaðamenn, heilum fjölskyldum þeirra sem sögðu sannleikann var byrlað með lygum og ekki allir sem standa slíkt af sér. Eina von Íslands gegn þessari áratugalöngu samspillingu Samherja og Sjálfstæðisflokks, kvótakónga og fjölmiðla og kvótakónga og lögreglu er sú staðreynd að forkólfar hennar eru svo lítið vel gefnir að árásirnar verða oftar en ekki sá farsi sem hér er lýst. Skaðinn af hlægilegum farsanum er þó aldrei neitt grín.“
Hér hefst svo sagan sjálf. Njótið lestursins:
