- Advertisement -

Reykjavíkurflugvöllur úreldur sem varaflugvöllur

„Það er fagnaðarefni að verið sé að vinna grænbók um flugsamgöngur með markmiði um skýra framtíðarsýn,“ segja borgarráðsfulltrúar meirihlutaflokkanna.

„Líkt og fram kemur í grænbókinni uppfyllir flugvöllurinn í Vatnsmýri ekki skilyrði til að vera sá varaflugvöllur. Jafnframt liggja fyrir skýrar skuldbindingar ríkisins um að gera nýjan völl fyrir æfinga-, kennslu- og einkaflug. Reykjavíkurborg ítrekar að við þær verði staðið. Tímasetta og fjármagnaða áætlun um gerð nýs varaflugvallar og nýjan æfinga-, kennslu- og einkaflugvallar vantar í stefnuna til að hún sé fullnægjandi. Nýr flugvöllur í Hvassahrauni getur leyst mörg af þeim vandamálum sem flug á Íslandi stendur frammi fyrir.“

Vigdísi Hauksdóttur var ekki skemmt: „Meirihlutinn í borgarstjórn fer fram með ófriði í öllum málum. Allir vita þráhyggju borgarstjóra og vinstri flokkana í borginni gegn flugvellinum í Reykjavík. Enn er hoggið í sama knérunn með umsögn þessari inn í drög að flugstefnu fyrir Ísland,“ segir hún.

Þú gætir haft áhuga á þessum
Vigdís Hauksdóttir:
„Það er hægt að snúa þessari ógæfuþróun við. Til þess þurfum við nýjan meirihluta.“

„Reykjavíkurflugvöllur gegnir ótvíræðu öryggishlutverki fyrir landsmenn alla. Sú aðför sem átt hefur sér stað að flugvellinum frá pólitískt kjörnum fulltrúum sl. áratugi er með ólíkindum. Algjört skilningsleysi ríkir gagnvart landsbyggðinni og landsmönnum öllum. Auk þess er hlutverk flugvallarins að vera mikilvægur hluti af almenningssamgöngum milli landsbyggðar og höfuðborgarsvæðisins. Stærsti öryggishlutinn sem þó lítið hefur verið ræddur er sá að öryggishlutverk hans er ótvírætt þegar kemur að náttúruvá, ófyrirséðum atburðum og annara ógna sem steðjað geta að á höfuðborgarsvæðinu með rýmingu svæðisins í huga. Flugvöllurinn í Vatnsmýrinni er grunnstoð í öryggiskerfi samfélagsins. Líffæraflutningar og líffæraþegaflutningar eru stórvaxandi þó það sé ekki mikið í umræðunni. Það er mikið ábyrgðarleysi hjá meirihlutanum að gera allt sem hann getur til að þrengja að vellinum og í raun að koma honum í burtu úr Vatnsmýrinni. Það er hægt að snúa þessari ógæfuþróun við. Til þess þurfum við nýjan meirihluta.“


Booking.com

Auglýsing

Tengdar fréttir sem þú gætir haft áhuga á að lesa: