100 orð / Hvenær ætli samgönguáætlanir hafi staðist? Upp á punkt og prik? Sennilega aldrei. Áætlanir Sigurðar Inga Jóhannssonar eru ekki líklegar til að standast. Barasta alls ekki. Allt er í heimunum hverfult og svo sannarlega á það við um loforð og áætlanir stjórnmálamanna.
Fátt er eins fjarri eins og að Sigurður Ingi sé kominn með 900 milljarða í ráðherraskúffuna. Hann hefur fengið að baða sig í sviðsljósinu síðustu vikur. Með gagnslítið plagg. Plagg sem meirihluti þingmanna samþykkti. 30 ára áætlun í samgöngumálum er ólíklegri til að standast en veðurspá til þrjátíu ára.
Ekki taka áætlanir ráðherrans alvarlega. Þær munu ekki ganga eftir.
