„Ingólfur, Heiðar Örn og Stefán Eiríksson eiga að snúa sér að öðru…. tja þeir gætu byrjað að leita fyrir sér í ráðhúsinu. Stefán ratar þar í það minnsta og borgarstjóri ratar á RUV.“
Vigdís Hauksdóttir.
Stjórnmál Vigdís Hauksdóttir, fyrrverandi alþingismaður og borgarfulltrúi, skrifaði grein vegna Kveiksmálsins. Greinin er birt hér:
Þetta mál snýst EKKI um kvenfyrirlitningu þó hún sé skjöldur aumra karla í of stórum jakkafötum eins og ein kynsystir mín orðaði það um daginn.
Í stærstu jakkafötunum er þó útvarpsstjórinn sjálfur sem ber alla ábyrgð á undirmönnum sínum sem nota gaslýsingu sem mest þeir geta – til að snúa umræðunni þangað sem spillingin og samtryggingin fær skjól.
Klárasti starfsmaður Kveiks kveikti í RÚV, bannfærða innlegg Kveiks hefur fengið mesta athygli af öllum Kveiksþáttum hingað til – samt veit enginn nema strákarnir í stóru jakkafötunum innihaldið og auðvitað höfundur þáttarins.
Þeir telja sig hafa fulla stjórn…
Samkvæmt fréttum komst „fréttateymi“ RÚV að þeirri niðurstöðu að „samhæfa“ alla fréttatengda þætti á RÚV undir einu nálarauga og sjálfstæði allra var afnumið. Virðist þetta gerast rétt eftir að strákarnir komust í efnistök síðasta Kveiksþáttarins. Engin tilviljun þar á ferð…!!!
Þeir telja sig hafa fulla stjórn núna og engin forboðin spillingarmál skvísi sér inn í þætti meir.
Maríu Sigrúnu var sagt að snúa sér að öðru.
Hún á að vera sverð okkar og skjöldur áfram og gæta almannahagsmuna okkar – en þeir Ingólfur, Heiðar Örn og Stefán Eiríksson eiga að snúa sér að öðru…. tja þeir gætu byrjað að leita fyrir sér í ráðhúsinu. Stefán ratar þar í það minnsta og borgarstjóri ratar á RUV.
