Facebook: Eiríkur Rögnvaldsson skrifaði:
„Maður er svosem orðinn ýmsu vanur í framsetningu frétta á mbl.is en mér blöskraði samt þessi frétt. Þarna er risastór mynd af Ingu Sæland yfir fyrirsögninni „175 milljónir í starfslokasamninga“ – augljóslega til þess ætlað að kalla fram hneykslun yfir óráðsíu Ingu og ríkisstjórnarinnar. En þegar fréttin er lesin kemur í ljós að í fyrsta lagi er þarna um að ræða átta ára tímabil þar sem Sjálfstæðisflokkurinn var í stjórn sjö fyrstu árin, og kostnaðurinn á því ári sem Inga hefur setið í félags- og húsnæðismálaráðuneytinu er bara rúmar 17 milljónir eða tíundi hluti af heildinni. Í öðru lagi er ekkert af þessu í ráðuneytinu sjálfu heldur allt í undirstofnunum þess og litlar líkur á að ráðherra, hver sem það hefur verið, hafi komið að samningunum. Það er ekki hægt að kalla þetta beinlínis fréttafölsun en óneitanlega er framsetningin til þess fallin að blekkja lesendur.“
