Ögmundur þiggur kaffibollann

Ætlar að mæta í Borgartún 5 og þiggja þar kaffi og tala við framkvæmdastjóra Samtaka atvinnulífsins.

Ögmundur ætlar að þiggja kaffiboð í Borgartúni 35.

„Framkvæmdastjóri SA býður í kaffi til frekari umræðu um einkaeignarrétt og almannahag. Ég þigg það boð,“ skrifar Ögmundur Jónasson, fyrrverandi ráðherra, í Markaðinn.

Tilefnið er að Halldór Benjamín Þorbergsson, framkvæmdastjóri Samtaka atvinnulífsins, bauð Ögmundi í kaffisopa til að ræða um eignarhald á landi.

Ögmundur segir um væntanlegt kaffiboð: „Við gætum stytt okkur leið að umræðunni að því leyti að báðir erum við því hlynntir, gef ég mér, að íslenski bóndinn eigi sitt land og nýti það sér til hagsbóta. En spurning síðan hvernig sporna megi gegn því að fjárfestingarspekúlantar komist yfir umtalsvert land hér og auðlindir. Þar er við að eiga mannskap sem í ófáum tilvikum hagnast um heila Þingeyjarsýslu í kauphöllinni fyrir hádegi á góðum degi.“

Þú gætir haft áhuga á þessum

Halldór Benjamín sagði í „boðskortinu“ til Ögmundar: „Þegar eitthvað er í eigu allra hefur enginn hagsmuni af því að ganga vel um það. Þótt auðlindir séu í eigu einstaklinga er ekki þar með sagt að þeir geti gert með þær það sem þeim sýnist. Ríkið stýrir nýtingu á landi og auðlindum með lögum. Það dettur engum í hug að leggja eitthvað annað til.“

Hann sagði einnig:

„Mér finnst í lagi að erlendir aðilar eigi nokkur prósent af landinu. Mér hugnast sínu verr að þeir eigi nokkra tugi prósenta. Ég get ekki sætt mig við að landið verði í erlendri eigu.“

Framundan er heimsókn Ögmundar í  Borgartún 35. B35.

Halldór bíður Ögmundi í kaffi




Booking.com

Tengdar fréttir sem þú gætir haft áhuga á að lesa: