300 hundruð hjúkrunarfræðingar starfa við annað – brýn þörf er fyrir þá alla

Guðbjörg Pálsdóttir, formaður Félags íslenskra hjúkrunarfræðinga, upplýsir að um 300 menntaðir hjúkrunarfræðingar hafi valið að starfa við annað en hjúkrun. Guðbjörg segir þörf sé á öllu þessu fólki til starfa á Landspítalanum sem og á öðrum stofnunum.

Þetta kemur fram í Mogganum í dag. Þar segir: „Kjara­samn­ing­ar hjúkr­un­ar­fræðinga við ríkið hafa verið laus­ir í níu mánuði og þol­in­mæði fé­lags­manna gagn­vart samn­inga­nefnd rík­is­ins er á þrot­um. Þetta seg­ir Guðbjörg Páls­dótt­ir, formaður Fé­lags ís­lenskra hjúkr­un­ar­fræðinga.“

Stuðningsreikningur Miðjunnar er: 26-515 521009 Kt: 521009-2920.

Þetta er merkilegt að jafn fjölmenn starfsstétt og nauðsynleg  skuli hafa verið samningslaus í níu mánuði. Sú meðferð  sem hjúkrunarfræðingar sæta er ekki síður merkileg í ljósi tveggja daga gamalla ummæla heilbrigðisráðherrans, Svandísar Svavarsdóttur:

„Ein stærsta áskorun sem heilbrigðiskerfi þjóða standa frammi fyrir nú er mönnunarvandi, t.d. í hjúkrunarfræði. Kjör skipta meginmáli við lausn á þessu máli og ljóst er að nauðsynlegt er að bæta kjör hjúkrunarfræðinga ljósmæðra og annarra stétta heilbrigðisstarfsfólks. Þá á ég við kjör í víðu samhengi, þ.e. laun, vinnutíma og starfsumhverfi og fulla viðurkenningu á menntun og ábyrgð.“

Það sem Svandís segir og skrifar stangast algjörlega á við raunveruleikann.